Friday , March 29 2024

Ano ang labor export? (Part 1)

NAKALULUNGKOT isipin na ang ating gobyerno ay nag-iisa sa Asia na bahagi ng national policy ang labor export.

May mga push-and-pull factors na nakaaapekto sa large scale migration.

Sa push side, ang kawalan ng trabaho sa bansa ay nagreresulta sa unemployment at underemployment. Ang mga walang trabaho, o iyong naghahanap ng mapagkakakitaan pero hindi makasumpong o hindi kuwalipikado para sa mga job opening, ay wala nang mapagpipilian kundi ang mag-abroad.

Sa pull side, kahit na para sa mga may trabaho, ang overseas job ay karaniwan nang mas may malaking suweldo at mas magagandang oportunidad sa career development. Maraming propesyonal sa bansa ang sumasabak sa trabaho na mas mababa sa kanilang training at mga kwalipikasyon, at kadalasang choice nila ito.

Mayroon tayong mga lisensiyadong nurse na nagtatrabaho bilang caregivers at flight attendants, mga doktor na nagsisilbing nurses, mga dentistang nagiging dental assistants o hygienists, at mga arkitektong nauuwi sa pagiging draftsman. Mayroon din tayong mga nagtapos ng kolehiyo na nagtatrabahong domestic helper.

‘Di gaya ng mga hindi talaga makahanap ng trabaho, hindi sila pinipilit na gawin ito. Kadalasang highly skilled at highly employable sila. Para sa kanila, ang pagpunta sa ibang bansa ay usaping cost-benefit. Sila ang mga buhay na patunay sa kabiguan ng gobyerno na magbigay ng sapat at magandang oportunidad sa trabaho sa bansa.

Ang kakatwa rito, sa paghihigpit sa mga lehitimong agency sa pamamagitan ng mga regulasyong sumasakal sa kanila sa layuning protektahan ang mga manggagawa, sa huli ay mismong ang mga nagtatrabaho ang pinakanagdurusa sa paglalaho ng mga oportunidad at sa mga mabibiktima ng illegal recruiters, sa kawalan na rin ng proteksiyon.

Hindi ang mga recruitment agency ang lumilikha ng supply o demand ng mga trabaho sa ibang bansa.

Sa kanilang pagsisikap at pamumuhunan, nagsisilbi silang mga komadrona, hindi lumilikha ng employment opportunities at mas maginhawang buhay para sa maraming Pinoy, lalo na ang mahihirap na pinaka-nangangailangan nito.

Kasama sila ng mga Pinoy sa pakikipagsapalaran sa pagtatrabaho sa ibang bansa, at sila ang link sa job market na inaasahan ng gobyerno para maiugnay ang mga Pinoy sa mga dayuhang employer.

Gaya ng mismong mga overseas worker, sila man ay nasa likod din ng naglalakihang remittance, na nagsusulong sa ekonomiya ng bansa sa ngayon.

***

SHORT BURSTS. Para sa mga komento o reaksiyon, mag-email sa [email protected] o mag-tweet sa @Side_View.

Robert B. Roque, Jr.

About Robert B. Roque, Jr.

Check Also

Notoryus na wanted holdaper sa NCR, todas sa enkwentro sa Batangas!

Notoryus na wanted holdaper sa NCR, todas sa enkwentro sa Batangas!

NASAWI ang isang lalaki na tinaguriang kilabot na holdaper at akyat bahay na kabilang sa …

Bernard Kaibigan Palawan

Pamilyang Pinoy protektado sa Palawan ProtekTODO

BATAY sa datos ng Philippine Insurance Commission, nananatiling mababa sa 1.75 porsiyento ang bilang ng …

Marissa Delgado Marian Rivera

 Marissa Delgado tagahanga ni Marian, gandang-ganda sa aktres

RATED Rni Rommel Gonzales SI Marissa Delgado, na gumaganap na si Nova, ang masungit na biyenan ni Marian …

Marian Rivera My Guardian Alien

Marian sa alien—parang ang sarap niyang maging kaibigan

RATED Rni Rommel Gonzales NATANONG ang Kapuso Primetime Queen, Marian Rivera kung naniniwala ba siya na totoong …

Donny Pangilinan Belle Mariano DonBelle Cant Buy Me Love

Serye ng DonBelle laging nasa Top 10 sa Netflix

AYON sa lead stars ng top-rating series na Can’t Buy Me Love na sina Donny Pangilinan at Belle Mariano, mas …

Leave a Reply

Your email address will not be published. Required fields are marked *