SUGATAN ang 23 pasahero sa bumaligtad na utility vehicle sa bayan ng Bakun sa lalawigan ng Benguet kamakalawa.
Sa ulat ng National Disaster Risk Reduction and Management Council (NDRRMC), naganap ang insidente dakong 8 a.m. kamakalawa ng umaga sa bahagi ng Batanes-Gambang area sa bayan ng Bakun.
Karamihan sa mga biktima ay mga bata na edad isa at dalawang taon gulang habang dalawa ay sanggol pa lamang.
Nabatid na nagkaroon ng problema ang preno ng sasakyan na naging dahilan ng insidente.
