Thursday , July 25 2024

2 patay 1 kritikal sa boga ng parak (Taxi kinuyog ng kabataan)

DALAWA ang patay, habang kritikal ang kalagayan ng isa pa, sa 10 kabataan na kumuyog sa lima-katao sakay ng taxi na kinabibilangan ng pulis sa Malate, Maynila, kahapon ng madaling araw.

Namatay habang nilalapatan ng lunas sa Manila Adventist Medical Center (MAMC), ang menor de edad na kinilalang si Camille Ventura, 16, estudyante, ng 667 Pacundo St., Pasay City; at Emerson Lopez, 20, ng 578 Pacundo St., Pasay City.

Ginagamot sa Ospital ng Maynila ang isa pang biktima, si Carl Michael Cueto,18, ng 1848 Go-Quiolay St., Brgy. 4 , Zone 2, Pasay City, sanhi ng tama ng bala sa kili-kili at tagiliran.

Sa imbestigasyon ng Manila Police District-Homicide Section sa suspek na si PO3 Ariel Yala, 32, nakatalaga sa Logistic Support Service-NCRPO, ng Taguig City, at sa mga kasamang sina Gene Hope Cainglet, 29, receptionist; Rey Chris Saavedra, 29; Jordan Tuilo,33, messenger; at Agnes Buenaflor, 26.

Ayon kay SPO3 Glenzor Vallejo, ng MPD-HS, naganap ang insidente sa A. Mabini corner P. Ocampo Sts., Malate, dakong 2:30 a.m.

“Yong grupo ng mga biktima mga 10 katao, unang may nakaaway sa Harbor Square sa PICC, nagpunta sila doon sa area at nakatayo sa Petron Gasoline station nang mapadaan ang grupo ng pulis, sakay ng taxi. Akala ng grupo ng biktima ‘yung mga naka-taxi ang nakaaway nila, biglang binuksan ang pintuan ng taxi nang mapahinto sa stop light saka kinuyog ang nasa loob ng taxi,” ayon kay Vallejo.

Hinihinalang sa pagkakataong iyon nagpaputok si Yala sa direksyon ng mga kumuyog, isinara ang pinto ng taxi saka inutusan ang driver na si Henry Coralde, 48, ng Leano Compound ,Novaliches, Q.C., na paandarin ang sasakyan.

Pagdating sa EDSA malapit sa LRT station, naaresto ng nagpapatrolyang Pasay Police ang grupo ng suspek, isinuko sa MPD Malate station (PS 9), saka dinala sa MPD-HS.

“Hindi ko ho alam na may nagpaputok, at may tinamaan, nalaman ko na lang noong hulihin kami sa EDSA ng mga pulis-Pasay. Basta inutusan lang ako na paabantehin na ang taxi,” ani Coralde.

Ayon kay Coralde, isinakay niya ang grupo ng pulis sa Cowboy Grill sa Ermita.

“Nagulat nga ho ‘yong mga sakay ko sa loob kung bakit sila kinukuyog ng mga kabataan,” dagdag ni Coralde.

Ayon kay Vallejo, posibleng napagkamalan ng grupo ng mga biktima ang grupo ng mga suspek na sila ang nakaaway nila sa Harbor Square, kaya kinuyog.

(Leonard basilio)

About hataw tabloid

Check Also

Bong Revilla Jr Denver Chua Jolo Revilla Cavite

200 + pamilyang biktima ng sunog sa Cavite City dinalaw ni Senator Bong

DINALAW ni Senator Ramon “Bong”Revilla, Jr., ang mahigit sa 200 pamilyang nasunugan sa Brgy. 5 …

Marian Rivera Kath Melendez Nekocee

Kath Melendez ng Nekocee na-starstruck kay Marian

SHOWBIZ KONEKni Maricris Valdez Nicasio MALAKING challenge para sa production ng Cinemalaya movie ni Marian Rivera, ang Balota kung paano siya …

Carina ulan baha

Klase suspendido sa Metro Manila at Cavite Province

SUSPENDIDO ang klase sa ilang paaralan sa Metro Manila at lalawigan ng Cavite dahil sa …

072324 Hataw Frontpage

POGO ‘TODAS’ KAY BONGBONG

“EFFECTIVE today all POGOs are banned.”                Inihayag ito ni Pangulong Ferdinand R. Marcos, Jr., …

Cruise Visa Waiver DOT DOJ Immigration

PH target maging tourist hub of Asia  
CRUISE VISA WAIVER INILUNSAD NG BI DOT, DOJ NAKIISA

PARA higit na palakasin ang turismo sa bansa, inilunsad ng Bureau of Immigration (BI) ang …

Leave a Reply

Your email address will not be published. Required fields are marked *