ni Roldan Castro
[divider]
ITINANGGI ni Lovi Poe na ”Hon” na ang tawagan nila ni Rocco Nacino. Rocco at Lovi lang daw ang tawagan nila.
Pero naging open na si Lovi tungkol kay Rocco.
“Well, nag-Europe na kami, eh. Ha!ha!ha!,” reaksiyon niya.
Masaya raw siya ngayon. Nakatulong din ang pagbabakasyon niya sa Europe kasama si Rocco at nakapag-reflect. Nagkita raw sila ng sister niya na nagbakasyon din sa London.
Very light at very fun ang relasyon nila ni Rocco.
“Kasi ako, I love to laugh. Eh, siya..siguro hobby niya ang pagpapatawa,” sambit pa niya.
So clown ang gusto niya?
“Ha!ha!ha! ‘Yun din ang sabi niya sa akin, clown ba ako?” sey pa ni Lovi.
“He’s very funny at matalino siya. Masarap kausap,” pagsasalarawan pa ni Lovi kay Rocco at first time siyang nagsasabi sa press ng qualities ni Rocco.
Pero hindi niya masasabi ngayon kung saan hahantong ang relasyon nila ni Rocco. Hindi pa raw niya naiisip kung gaano kaseryoso dahil ini-enjoy pa nila ang company ng isa’t isa gaya ng pagta-travel. Hindi pa ito ‘yung tipong diretso na sa kasalan.
“Malayo pa ako roon,” aniya pa.
Talbog!
