Wednesday , July 24 2024

Kailangan ba talaga ng Customs ng surveyors?

ANO itong nalaman ko na determinado si Bureau of Customs (BoC) Commissioner John Philip “Sunny” Sevilla na magpatupad ng bagong scheme na magreresulta ng dagdag-gastos at abala sa mga importer?

Ayon sa aking mga espiya sa Customs, binabalak na kuhanin ang serbisyo ng mga surveyor upang mag-inspeksiyon sa mga kargamento ng iba’t ibang produkto sa port of origin bago pa ito ibiyahe sa ating bansa.

Bagamat nasa drawing board pa, ang pre-loading survey, ayon sa mga source, ang tutukoy sa klase at dami ng commodities na ibibiyahe sa Pilipinas. Hindi saklaw ng serbisyo ang valuation.

Ang serbisyo ay karagdagang parusa sa mga importer dahil ipababahala ng BoC sa kanila ang gastusin dito, na aabutin ng $20 hanggang $50 kada container.

Lima hanggang anim na surveyor ang itatalaga para magsagawa ng pre-shipment inspection sa port of departure. Lima sa mga ito ay ang sikat na Société Générale de Surveillance (SGS), Inspectorate, Bureau Veritas, Cotecna, at Intertek. Ang ikaanim, ang Admiral, ay napaulat na magre-renew ng kontrata.

Bagamat sinasaluduhan ng kolum na ito ang plano ni Sevilla bilang pagsisikap na maibsan ang korupsiyon at smuggling, ang pag-obliga sa mga importer na bayaran ang serbisyo ng surveyor ay para na ring pagsasabi na ang mga service company na ito ay employed mismo ng mga importer, at hindi ng BoC. Hindi man masasabi sa ngayon na ang mga surveyor na ito ay may posibilidad sa korupsiyon, maaaring maabuso ang ganitong arrangement.

Ang malala pa, mistulang tinatraydor ng scheme na ito ang pagdududa ng gobyerno sa sarili nitong sistema laban sa smuggling.

Wala na bang kakayahan ang BoC na resolbahin ang sarili nitong mga problema kaya kinailangan pa ang isang pribadong third-party entity para gawin ang trabaho nito?

Tsk tsk tsk!

Kung ganyan ‘e mas mabuti na ang mga dayuhan na ang magpatakbo ng Bureau of Customs.

Sa mata kasi ng publiko, hindi ito magandang tingnan.

***

SHORT BURSTS. Para sa mga komento o reaksiyon, mag-email sa [email protected] o mag-tweet sa @Side_View.

Robert B. Roque, Jr.

About Robert B. Roque, Jr.

Check Also

Dragon Lady Amor Virata

Mag-asawa for mayor sa 2025 local elections

Isumbong mokay DRAGON LADYni Amor Virata SABI ni Parañaque City Cong. Edwin Olivarez, ang utol …

Sonny Angara DepEd

Panawagan kay Angara
SUWELDO NG MGA GURO ITAAS, ‘KORUPSIYON’ SA DepEd DAPAT TUGUNAN — TINIO

NANAWAGAN si dating ACT Teachers Rep. Antonio “Tonchi” Luansing Tinio kay bagong-upong Department of Education …

FEHI, DHSUD sanib-puwersa para sa programang pabahay

FEHI, DHSUD sanib-puwersa para sa programang pabahay

NAGSANIB-PUWERSA ang kompanyang Far East Holdings Inc. (FEHI) at ang Department of Human Settlement and …

First Lady Liza Araneta-Marcos, namahagi ng mobile clinics

First Lady Liza Araneta-Marcos, namahagi ng mobile clinics

NAMAHAGI si First Lady Louise “Liza” Marcos, sa pakikipagtulungan ng Department of Health (DOH) ng …

Cecille Bravo PWDW Filmfest Peoples Legacy Awards

PWDW Filmfest People’s Legacy Awards 2024 matagumpay

MATABILni John Fontanilla MATAGUMPAY ang inaugural PWDW Film Fest People’s Legacy Awards 2024 na ginanap sa  QCX …

Leave a Reply

Your email address will not be published. Required fields are marked *