Buntis na misis inagas sa kahahanap sa nang-iwan na mister
NALAGLAG ang dinadalang limang buwang sanggol ng isang ginang dahil sa paghahanap sa kanyang mister na nang-iwan sa kanya sa isang mall.
Dinala sa Jose Reyes Memorial Medical Center (JRMMC), ang ginang na kinilalang si Cristal Cristobal, 34 , para roon raspahin bago imbestigahan ng Manila Police District-Homicide Section kung kusang nalaglag o sinadya ng ginang.
“Ang sabi ng doktor sa JRMMC, mukhang hindi daw inilaglag, may isang buwan na raw silang paikot-ikot sa Maynila at umaasang babalikan ng kanyang mister, kasama pa nga niya yong anak niyang 8 months old,” ayon kay SPO3 Glenzor Vallejo.
“Sinabi niya,bigla na lang daw sumakit ang kanyang tiyan at balakang pagkatapos ay lumabas na ‘yong bata, dala siguro ng stress , hintayin muna natin matapos yong panggagamot ng doctor, “dagdag ni Vallejo.
(leonard basilio)
