Patay ang 85-anyos lola nang hindi makalabas sa nasusunog nilang bahay sa Barangay Batis, San Juan, iniulat kahapon.
Ayon sa pulisya, kinilala ang biktimang si Remedios Rodriguez-Go, 85-anyos, namatay dahil sa suffocation sa naganap na sunog sa 447 Pascual street.
Nabatid, matagal nang may karamdaman na diabetes ang matanda kaya hindi na siya nakalalakad.
Sa ulat, nagsimulang sumiklab ang apoy sa ikalawang palapag ng bahay dakong 1:00 p.m. at idineklarang fire out dakong 2:00 p.m. (HNT)
