PATAY ang isang Japanese national habang walong iba pa ang sugatan sa naganap na aksidente sa Oslob, Cebu kamakalawa.
Sakay ng Toyota Hi-ace van ang biktimang si Hiromi Ichimura, patungong Tan-awan sa Oslob, nang mawalan sa kontrol ng driver ang manibela.
Ayon sa driver na si Guillermo Hella, 57, binabaybay nila ang pababang kalsada nang mawalan ng kontrol at tuluyang sumalpok ang sasakyan sa tulay ng tunnel bago dumiretso sa puno ng mahogany.
Nabuwal ang puno at bumagsak sa van na ikinamatay ng biktima at ikinasugat ng iba pang mga dayuhan na sina Ryosuke Toi, tourist guide; Keiko Sonobe, Hiroshi Sato, Keotsu Hayasaka, Akira Itoh, Syuta Suge, Takao Sonobe, at isang Kazuyuki. (BETH JULIAN)
