TOSTADO ang isang lolo nang madaganan ng ka-gamitan habang sinisikap tumakas sa nasusunog nilang bahay, sa lungsod ng Quezon kahapon ng tanghali.
Kinilala ni QC Fire Marshal Supt. Jesus Fernandez ang biktimang si Jose Narciles, 76, ng No. 6 Irid St., Brgy. San Martin de Porres.
Sa ulat, dakong 12:55 p.m. nang sumiklab ang sunog sa lugar.
Ayon sa anak ng biktima, si Prudence Narciles, nabagsakan ang kanyang ama ng mga gamit kaya siya na-trap sa loob ng nasusunog na bahay.
Nabatid, nagpapa-init ng tubig ang biktima gamit ang kalan na de-kahoy sa kanilang kusina nang magkasunog na hindi pa malaman kung saan nagmula.
Umabot sa ikaapat na alarma ang sunog at dalawang bahay ang nadamay habang tinatayang nasa P800,000 halaga ang nilamon ng apoy.
(Almar Danguilan)
