HATAW! D'yaryo ng Bayan hatawtabloid.com
MALALAMAN na ngayong gabi kung sino-sino ang mga nagsipagwagi sa The PEP List—na may tatlong components at 44 categories na gaganapin sa grand ballroom ng Solaire Resort and Casino.
Matapos ihayag ng PEP.ph (Philippine Entertainment Portal) noong March 27 ang PEPSTERS’ CHOICE winners, handang-handa na sila ngayon para kilalanin at ihayag ang 52 standouts na naging most popular, most read, most talked-about, most shared, at most compelling in 2013.
Nariyan si Kim Chiu na nakapag-generate ng 1,732,038 sa PEPsters’ Choice poll na undeniably one of the most influential stars sa Internet. Kaya naman siya ang itinanghal na TV Star of the Year at Newsmaker of the Year. Kasama rin dito ang TomDen na isa ring phenomenal.
Ang loveteam nina Tom Rodriguez at Dennis Trillo ang nagwaging Loveteam of the Year, at napili rin si Tom bilang Breakout Star of the Year.
Landslide victory naman si Ryzza Mae Dizon bilang Female Child Star of the Year, with Renz Valerio bilang top winner sa male category.
Ang iba pang mga nagsipagwagi ay sina Daniel Padilla (OPM Artist of the Year), Joey de Leon (Showbiz Treasure of the Year, Male), Nora Aunor (Showbiz Treasure of the Year, Female), Lovi Poe (FAB Female), Xian Lim (FAB Male), Elmo Magalona (Teen Star of the Year, Male), Julie Anne San Jose (Teen Star of the Year, Female), James Yap (Newsmaker of the Year, Male), at Vic Sotto (TV Star of the Year, Male).
Ang Ina, Kapatid, Anak naman ang nagwagi bilang Primetime Teleserye of the Year.
“It was not easy. It required a lot of time. But our goal is simply to have a reliable showbiz meter. The stars whose names are part of The PEP List are definitely the ones that made their mark last year,” ani PEP Editor-in-Chief Jo-Ann Maglipon.
Mapapanood ang live streaming ng THE PEP LIST Awarding Ceremony sa http://www.pep.ph/pep-list/livestreaming .
