Amain utas sa tarak ng stepson

Pinagsasaksak hanggang mapatay ng lasing na lalaki ang kanyang stepfather na umano’y nagpatigil sa kanilang pag-iingay sa Malabbo,San Mariano, Isabela

Tatlong malalalim saksak sa katawan ang sanhi ng pagkamatay ng biktimang si Fred Rosales.

Agad naaresto ang suspek na si Rommel Areola, nasa hustong gulang, binata ng nasabing barangay.

Nabatid, nag-iinuman ang suspek at tatlong kasama nang dumating ang biktima at ilang minuto ang lumipas ay pinatigil ni Rosales ang suspek sa kanilang pag-iingay sanhi ng kanilang pagtatalo.

Nang makauwi ang mga kainuman ng suspek ay muling nagtalo ang dalawa nauwi sa pananaksak ng suspek sa biktima.

Sa pagsisiyasat, matagal nang may hindi pagkakaunawaan ang biktima at suspek.

(Beth Julian)