Derek, ‘di imposibleng mahalin ni Kris

ni  JOHN FONTANILLA

ISA nang Certified Regal baby si Derek Ramsay dahil sa pagpirma nito ng exclusive contract sa Regal Entertainment na isang comedy/drama ang unang gagawin nito sa Regal. Makakasama ni Derek ang controversial presidential sister at magaling na host/actress na si Kris Aquino na pamamahalaan ng direktor na si Erik Matti.

Kaya naman daw pihadong mali-link na naman ang dalawa sa pagsisimula ng kanilang pelikula lalo na‘t parehong single and available ang mga ito. Marami nga ang nagsasabing hindi naman daw malabong main-love si Kris kay Derek lalo na‘t guwapo, matipuno, at very gentleman ang hunk/actor na ilan sa gusto ni Kris sa isang lalaki.

Ang tanong ng bayan? After Mayor Herbert Bautista, si Derek na ba ang lalaking magpapatibok ng puso ni Kris at siyang magiging bagong lalaki sa buhay ng Queen of Talk Show. ‘Yun na!

ARJO, KABADO SA NEW SOAP  NA PURE LOVE!

NAPI-PRESSURE raw ang isa sa maituturing na mahusay na teen actor ng ABS-CBN na si Arjo Atayde sa kanyang bagong soap, ang remake ng Pure Love na unang ipinalabas noong 2011 na ang tunay na titulo sa Korea ay 49 Days.

Makakatambal ni Arjo sa kauna-unahang pagkakataon ang isa sa kanyang showbiz crush na si Alex Gonzaga na ngayon ay nasa loob pa ng Bahay ni Kuya bilang housemate. Pero 100% naman daw ang ibinibigay ni Arjo para mas mapaganda ang kanilang soap ng sister ni Toni.

Wish nga ni Arjo na sana ay mag-click ang una nilang pagtatambal ni Alex para magkaroon pa ng tsansang magkatrabaho silang muli sa marami pang proyekto ng ABS CBN.