Aquarium on wheels maaaring imaneho ng goldfish

NAG-DEVELOP ang Dutch designers ng prototype smart aquarium on wheels na maaaring imaneho ng goldfish.

Nais ng Studio Diip na ilunsad ang kanilang imbensyon sa komersyal at nais na matulungan sila ng crowdfunding site  Kickstarter.

Ipinaliwanag ni Thomas de Wolf, co-founder ng Studio Diip, kung paano makokontrol ang isda ang mobile tank sa pamamagitan ng paglangoy sa certain direction.

Made-detect ng camera ang galaw ng isda at paandarin ang motor para maimaneobra ang sasakyan sa nasabing direksyon.

“Fish on Wheels is an aquarium on wheels that enables fish to drive wherever they want to go,” aniya.

“Finally some freedom for our aquatic pets that have so far been limited to their fish tanks!”

Umabot na sa 70 backers ang nangako ng mahigit £3,600 para sa £32,000 target ng kompanya.

(ORANGE QUIRKY NEWS)