BACOLOD CITY – Arestado ang live-in partners sa buy bust operation na sinundan ng pagsalakay ng Special Operations Group ng Bacolod City Police Office sa Purok Sigay, Brgy. 2 sa Lungsod ng Bacolod kamakalawa ng gabi.
Target ng operasyon ang live-in partners na sina Alma Sauce at Noel Kabugwason kapwa nabilhan ng shabu ng poseur buyer.
Nakuha sa kanila ang P100,000 halaga ng shabu, kalibre .45 at .38 pistola, P5,700 cash, P400 marked money at drug paraphernalia.
Bukod sa dalawa, na-aresto rin ang kanilang kapitbahay na si Maria Fe Tomias na nakompiskahan ng P3,480 cash at P300 marked money, gayundin ang kasamang si alyas Christian na nasa loob ng bahay nang maganap ang raid.
Nabilhan din ng shabu ang nangngangalang John-john Diaz at alyas Jimboy ngunit nakatakas ang dalawa. (BETH JULIAN)
