LEGAZPI CITY – Hindi na umabot nang buhay sa ospital ang 37-anyos lalaki habang dalawa ang kritikal makaraan mag-amok ang isang lalaking baliw sa Brgy. Buragwis sa lungsod ng Legazpi kamakalawa.
Kinilala ang namatay na si Revollete Boridor y Emata, kapatid ng suspek na si Ariel Nogales y Emata.
Habang sugatan sa insidente si Orlando Nogales y Emata, 28, kapatid din ng suspek, at ang kabarangay nilang si Joseph Escorial y Guerrero, 22, kapwa nilalapatan ng lunas sa pagamutan.
Ayon sa ulat ng pulisya, armado ng kutsilyo ang suspek na si Ariel nang bigla na lamang pagsasaksakin ang mga biktima.
Napag-alaman, sumailalim sa psychiatric treatment ang suspek bago naganap ang krimen.
(LANI CUNANAN)
