ni Rommel Placente
[divider]
SA December ng taong ito ay ikakasal na si Bianca Gonzales sa boyfriend niyang cager na si JC Intal. Malalapit na kaibigan ni Toni Gonzaga sina Bianca at Mariel Rodriguez na nauna nang nag-asawa na misis na ni Robin Padilla.
Ang tanong ng marami, kailan naman daw kaya maiisipan ni Toni na lumagay na rin sa tahimik?
“Ang akala nga nila ako ‘yung mauuna sa aming tatlo. Nararamdaman ko naman na ako ‘yung last. Darating tayo roon. Nararamdaman ko naman siya, pero ayaw kong i-rush,” sabi ni Toni sa interview sa kanya ng ABS-CBN News.
Dagdag pa ng actress/TV host, naghihintay lang siya for God’s perfect time. Basta excited daw siya sa kasal ng kanyang kaibigang si Bianca.
“Kahit wala akong participation, kahit mag-attend lang ako, sabi ko kay Bianca, gustong-gusto ko lang makita na pagbukas ng door, naka-gown siya ng puti. Baka maiyak ako talaga.”
