KINOMPIRMA ng mga opisyal ng Brgy.Oranbo, Pasig City na may barangay permit ang motel na itinatayo sa kanto ng Shaw Boulevard at Danny Floro Streets, sa lungsod.
Ayon kay Boyet Macute Brgy. Secretary ng Brgy. Oranbo, may permit sa kanilang barangay ang itinata-yong establisyemento.
Sa isang telephone interbyu, sinabi ni Macute na hindi puwedeng maitayo ang naturang establisyemento kung walang permit .
Tiniyak din ni Macute na dumaan sa proseso ang pagbibigay nila ng permit .
Reaksyon ito ng opisyal matapos maiulat na ang itinatayong motel na pag-aari ng Bloyue Mica Inc., ang namamahala sa Nice Hotel, ay walang kaukulang permit mula sa Pasig City Hall.
(HNT)
