TINUKOY na ng pork barrel scam private complainant at abogado ng isa sa testigo sa scam na si Atty. Levito Baligod ang aniya’y malalaking personalidad na naging tila protektor ni Janet Lim-Napoles.
Kabilang sa kanila sina Sen. Bong Revilla, Jr., at ang sinibak na si NBI deputy director Reynaldo Esmeralda.
Ayon kay Baligod, narinig mismo ng kanilang informant nang sabihin ni Revilla sa NBI official na magdahan-dahan sa kaso ni Napoles.
Habang si Esmeralda ay tinawag niyang protektor ng negosyante.
Sinasabing ginawa nina Revilla at Esmeralda ang pulong sa isang malaking hotel sa lungsod ng Makati.
Pahabol ni Baligod, marami pa silang hawak na impormasyon na ila-lantad na lamang sa mismong pagdinig ng kaso sa Sandiganbayan.
Wala pang paliwa-nag dito si Revilla na nga-yon ay nasa bansang Israel.
