NAHUKAY ang dalawang bala ng kanyon gamit ang back hoe, sa ginagawang drainage system sa Muelle del Industria, sa Binondo, Maynila, iniulat kahapon.
Tinatayang nasa isang tonelada at halos tatlong metro ang haba ng isang bala ng kanyon at ang isa’y nababalot ng semento nang nahukay ng mga trabahador ng Department of Public Works and Highways (DPWH) sa lugar.
Ayon kay Manila Police District Bomb Squad chief Insp. Arnold Santos, simplified ang porma ng mga bala na hinihinalang ginamit noong panahon ng Kastila.
Ang nahukay na bala ng kanyon ay ipauubaya sa kustodiya ng MPD Bomb Squad.
(leonard basilio)
