Wednesday , July 6 2022

Naturalization ni Blanche aprubado na sa Senaado

APRUBADO na ng Senate Committee on Justice and Human Rights ang Senate Bill 2108 na inihain ni Senator Edgardo ‘Sonny’ Angara upang maging naturalized na manlalaro ang sentro ng Brooklyn Nets ng NBA na si Andray Blatche.

Sinabi ng tserman ng komite na si Senator Aquilino ‘Koko’ Pimentel III na hihingi siya ng sub-committee report tungkol sa pagnanais ni Blatche na maglaro para sa Gilas Pilipinas para sa FIBA World Cup sa Espanya sa Agosto at ang Asian Games sa Incheon, Korea, sa Setyembre.

Sinabi ni Gilas coach Chot Reyes at ng kasalukuyang naturalized na manlalaro na si Marcus Douthit na pareho nilang nakausap  si Blatche.

“In our first conversation (with Blatche) I asked him if he really wants to do this,” recalled Reyes. “He knows that he has to give up the (NBA) offseason and practice (for Gilas),” wika ni Reyes. “My job is to give our team the best representation. We want to play the right way. I don’t think there is another NBA player as willing as Blatche; I feel he’ll boost our chances.”

Iaakyat ang nasabing bill ni Angara sa dalawa pang mga komite sa Senado bago ito isama sa House Bill 4084 ni Rep. Robbie Puno at kapag pareho itong pasado na ay ibibigay kay President Benigno ‘Noynoy’ Aquino para mapirmahan at tuluyan na itong isabatas.

Hanggang Hunyo 30 ang pagsumite ng kompletong listahan ng mga manlalaro ng lahat ng mga bansang kasali sa FIBA World Cup.

Kapag aprubado na si Blatche ay tuluyan na itong papalitan si Douthit dahil isang naturalized na manlalaro lang ang dapat isabak ng isang bansa sa mga torneong hawak ng FIBA.

(James Ty III)

About hataw tabloid

Check Also

AKSYON AGAD ni Almar Danguilan

Patay muna aso bago turok ng bakuna

AKSYON AGADni Almar Danguilan KAPAG namatay na ang aso, saka lang babakunahan para sa anti-rabies …

Gary Payton II

$28 Million deal sa Trail Blazers isinapinal ni Gary Payton II

ISINAPINAL ni Gary Payton II ang 3-year, $28 million deal sa Trail Blazers,  ayon sa …

Zolani Tete Jason Cunningham

Zolani Tete giniba si Jason Cunningham sa 4th round

NASA radar na muli ni dating two-weight world champion Zolani Tete ang isa pang pagkakataon …

Rene Mark Cuarto

Cuarto talo kay Valladeres via split decision

NAYARI ang koronang hawak ni Rene Mark Cuarto ng Pilipinas  nang talunin siya ni Mexican …

Kevin Arquero

Arquero naghari sa Marikina Chess Tourney

PINAGHARIAN ni Kevin Arquero ng Pasay City ang katatapos na Chess for Christ Rapid Chess …

Leave a Reply