Napoles ‘hihiwain’ ng St. Lukes’ doctors
PINAHINTULUTAN ng Makati Regional Trial Court na mga private doctors ang tumingin sa medical needs ng pork barrel scam queen na si Janet Lim Napoles habang naka-confine sa Ospital ng Makati.
Sa ipinalabas na kautusan ni Makati-RTC Judge Elmo Alameda, pinayagan ng korte sina Drs Elsie Badillo-Pascua, Efren Domingo, Leo Aquizilan, Michael Lim-Villa at Nick Cruz na magsagawa ng surgery sa pasyente.
Nauna rito, pawang mga doktor na affiliated sa OsMak lamang ang pinapayagang sumuri kay Napoles.
Una nang hiniling ni Napoles na ma-confine siya sa St. Luke’s Medical Center para sa iniinda niyang Myoma.
Sa panig ng OsMak, tiniyak ng hospital management na wala silang ibibigay na special treatment sa negosyante.
(LAYANA OROZCO)
