HATAW! D'yaryo ng Bayan hatawtabloid.com
ISANG 68-anyos lola at dalawa niyang apo ang namatay makaraang masunog ang kanilang bahay habang natutulog sa Taguig City, iniulat kahapon ng umaga.
Kinilala ni Taguig City Fire Marshal, C/Insp. Juanito Maslang, ang mga biktimang sina Zenaida delos Santos, 68, mga apo na sina Roniel, 8 anyos, at Ariana delos Santos, 1 taon gulang.
Natagpuan ang lola na kayakap pa si Ariana, na nagdiwang ng kanyang unang kaarawan kahapon (Abril 2) at sa ‘di kalayuan nakita ang katawan ni Roniel.
Ayon kay S/Insp. Severino Sevilla, deputy chief operations ng Taguig Fire Station, gasera ang pinagmulan ng sunog na ginagamit ng mga biktima dahil wala silang koryente.
Ani SFO2 Pedrito Polo, nagsimula ang apoy sa ikalawang palapag ng bahay ng pamilya delos Santos sa Paco St., Coco Hills, Barangay Bagumbayan.
Tinatayang nasa P100,000 halaga ng ari-arian ang naabo at dakong 12:55 ng hatinggabi nang idineklarang fire out.
nina MANNY ALCALA/JAJA GARCIA
