HATAW! D'yaryo ng Bayan hatawtabloid.com
MARIING binabatikos ng mga foreigner ngayon na nag-a-apply ng kaukulang visa maging ito man ay immigrant o non-immigrant visa ang pagbabayad nang buo or complete payment kahit hindi pa naaaprubahan ng Bureau of Immigration – Board of commissiones ‘este’ Commissioners (BI-BOC). Para sa kanila, isang malaking ‘raket’ o ‘hold-up’ ang ginagawa sa kanila na ang isang visa applicant ay pagbabayarin agad ng full payment at pagkatapos ay made-deny lang at mapupunta sa wala.
Ang ganitong baluktot na sistema ay sinimulan noong kapanahunan ni Ex-BI Commissioner Ric David Dayunyor base sa sulsol ‘este’ recommendation ng kanyang advisers na wala namang alam gawin kundi ang ikanal siya. Nakapagtatakang ini-adapt pa rin ngayon ng kasalukuyang administrasyon ni BI Comm. Fred Mison ang sistemang ito.
Obviously, ang sistemang ito ay ginaya sa US embassy kung saan magbabayad muna ng application fee na $800 ang isang aplikante at kapag ito ay na-deny sa interview ay babayu na ang kanyang $800 application fee. Pero sa totoo lang, hindi dapat gayahin ang ganitong pangit na sistema. Kung susuriin, ang nakalagay sa Official Receipt (OR) ng banko kung saan nagbayad ang isang applicant ng US visa, ang nakalagay ay “filing fee” lamang at ang isang foreigner naman na nag-apply sa BI ng immigrant or non-immigrant visa ay “naka-itemize” lahat doon ang binayaran gaya ng filing fee, implementation, l-Card, legal research fee at kung ano-ano pang fees.
Ang siste, kapag na-disapprove ito ng BI-BOC ay hindi naman nila naibabalik ang sobra sa kanilang siningil sa mga visa applicant. Tama ba o mali ang analysis natin, Madam or Sir na resident auditor ng Commission of Audit sa Bureau of Immigration?
Ang isa pang tanong, bakit po pinapayagan ng COA ang ganitong sistema na animo’y raket o hold-up ng Bureau of Immigration?
It seems may mental lapse ang resident auditor ng BI-COA and I think they are not doing their job!? Bakit hindi magawang tularan ng BI ang sistema ng DFA na dalawang beses dumaraan sa reviewer ng documents ang isang aplikante ng passport at kapag wala nang problema sa mga isinumiteng dokumento ay saka lamang babayaran sa kanilang cashier at ang last phase ay ang photo-capturing na ibig sabihin ay tapos na ang kabuuang transaction.
Sa nangyayaring sistemang ito ngayon sa BI ay lalo lang pagmumulan ng red tape dahil bago matapos ang isang transaction ay katakot-takot ang dinaraanang proseso at lagayan at sa bandang huli ay made-deny rin pala ang kaawa-awang visa applicant.
BI Comm. Fred Mison, I think it’s about time that you seriously look-up on this matter. Hindi ba mas magiging maganda ang iyong magiging legacy kung maiaayos mo ang isa sa maling sistema ng ahensyang iyong pinamumunuan?
And with regards to the resident auditor of BI- COA, baka naman po pwedeng imulat n’yo ang inyong mata, buksan ang inyong mga tenga at mag-obserba sa mga nangyayaring kapalpakan diyan sa BI. Nakahihiya naman, kung kami pa po ang nagpapaalala sa inyo ng inyong dapat gawin gayong hindi naman namin trabaho ‘yan!!!
Para sa mga reaksiyon, suhestiyon, reklamo at sumbong, magtext sa 0915.804.76.30 o mag-email sa [email protected]. Para sa mga nakaraang isyu ng BULABUGIN please visit https://hatawtabloid.com
