PCSO Bingo Milyonaryo ginagamit ng ex-general sa operation ng Jueteng sa Nueva Ecija

MALINAW na front lang ng JUETENG ang lumalawak na operasyon ng Bingo Milyonaryo sa Nueva Ecija.

Mismong si Rep. Carlos Padilla ang nagbunyag ng operasyong ito.

Ayon sa kongresista, sinalaula na ng mga ilegalista ang kanilang lalawigan.

Dahil hindi na nakatiis, sinulatan na ni Padilla si CIDG chief, Gen. Bejamin Magalong dahil sa pamamayagpag ng mga operator ng ‘Bingo Milyonaryo’ cum jueteng.

Mismong Philippine Charity Sweepstakes Office (PCSO) ‘e umangal na sa ginagawang paggamit sa kanila ng grupo ng isang alias Gen. Divine at alyas Boy Ka-macho.

Si Ka-macho umano ang nagsisilbing financier habang isang alias Edward Aguila ang nagsisilbing ‘dummy.’

Habang ang operator naman ay sina alias Divine at isang alyas Abe-lion.

Sina Divine at alyas Abe-lion ay kapwa galing daw sa Philippine National Police (PNP).

Ang operation nina Divine at alyas Abe-lion ay namamayagpag sa Diadi, Bayombong, Dupax Norte at Aritao.

PNP chief, Dir. Gen. Allan Purisima Sir, hindi mo ba kayang i-trace ang aktibidad ng mga dating tauhan mo na hanggang ngayon ay ginagamit pa rin ang pangalan mo?!

Aksyon, PNP Chief!

 

Para sa mga reaksiyon, suhestiyon, reklamo at sumbong, magtext sa 0915.804.76.30 o mag-email sa [email protected]. Para sa mga nakaraang isyu ng BULABUGIN please visit https://hatawtabloid.com