Sunday , September 25 2022

Gilas may pagasa sa ginto — Carrasco

NANINIWALA ang isang opisyal ng task force ng Philippine Olympic Committee at Philippine Sports Commission para sa Asian Games na malakas ang tsansa ng Gilas Pilipinas na makamit ang gintong medalya sa nalalapit na paligsahan na gagawin mula Setyembre 19 hanggang Oktubre 4 sa Incheon, Korea.

Sinabi ni Tom Carrasco na pangulo ng Triathlon Association of the Philippines na sigurado na ang Gilas sa Asian Games dahil sa pagiging runner-up nito sa FIBA Asia Championships noong Agosto 2013 na ginanap dito sa Pilipinas.

Sasabak ang Gilas sa Asian Games pagkatapos ng kampanya nito sa FIBA World Cup sa Espanya mula Agosto 30 hanggang Setyembre 14.

“I already met with the SBP (Samahang Basketbol ng Pilipinas) and they promised to submit at least 20 names, including their naturalized player, who will help our team greatly,” ani Carrasco. “By the next meeting next week, we will know kung sino ang nasa listahan. It’s a complicated process kasi baka yung lineup sa Spain, babaguhin for the Asian Games.”

Magsisimula ang ensayo ng Gilas para sa dalawang nabanggit na torneo sa susunod na Lunes, Marso 3, pagkatapos ng finals ng PBA Philippine Cup at magiging linggu-linggo ang ensayo ng tropa ni coach Chot Reyes.

Pinaikli ng PBA ang iskedyul ng Commissioner’s Cup at Governors’ Cup para maging sapat ang panahon ng ensayo ng Gilas na tatagal ng isang buwan.

Inaayos pa sa Kongreso ang mga papeles para gawing naturalized player ang sentro ng NBA na si Andray Blatche habang malabo na ang tsansa ni JaVale McGee para sa naturalization dahil sa pilay sa kanyang paa.

Huling nanalo ang Pilipinas ng ginto sa men’s basketball sa Asian Games noon pang 1962 at ang pinakamataas na puwesto pagkatapos nito ay ang pagkuha nito ng pilak na medalya noong 1990 sa Beijing.      (James Ty III)

About hataw tabloid

Check Also

Al-Basher Basty Buto Chess

NM Buto naghari sa Angeles rapid chess festival

MANILA — Naitala ni National Master Al-Basher “Basty” Buto ng Cainta, Rizal ang importanteng panalo …

Philracom Horse Race

Paborito si Mommy Caring

MARKADO sina Mommy Caring at Cam From Behind sa magaganap na 2022 PHILRACOM “Sampaguita Stakes …

Rubilen Amit Carlo Biado Johann Chua

Amit, Biado, Chua namayagpag
PH TRIO KAMPEON SA WORLD TEAMS 10-BALL

ni Marlon Bernardino MANILA — Itinanghal na kampeon ang Filipino trio na sina Rubilen Amit, …

Rubilen “Bingkay” Amit

Sa Austria
AMIT, CENTENO NAGPARAMDAM AGAD NG LAKAS 

MANILA, Philippines – Nagparamdam agad ng lakas sina Billiard stars Rubilen Amit at Chezka Centeno …

Rhaki Roj Constantino

Dan Kang kalahok sa Mappa KnightShot 10-Ball Cup

ANG pool player at motorcycle enthusiast na si Dan Kang ay lilipad mula South Korea …

Leave a Reply