Sunday , October 2 2022

LTFRB-CAR panagutin sa GV Florida incident!

HULI man ang dating ng LTFRB sa hakbanging ginagawa ngayon laban sa GV Floridad lines, well masasabing kahit paano ay okey pa rin. Lamang naroon pa rin iyong ugaling Pinoy na huli na kung kumilos.

Kung hindi pa nangyari ang trahedya sa Bontoc, Mt. Province, marahil hanggang ngayon pabukol nang pabukol pa rin ang bulsa ng ilang taga-LTFRB, este, namamayagpag pa rin ang ilang sinasabing kolorum na bus ng Floridad na biyaheng Bontoc o Mt. Province.

Tutal rin lang naman ay nand’yan na, maraming buhay ang nabuwis, ang dapat ay lubusin na ng LTFRB ang kanilang imbestigasyon. Hindi lamang ang GV Florida ang dapat silipin ng LTFRB sa kapabayaang ito kundi maging ang kanilang tanggapan.

Hindi naman kasi makapamamayagpag ang GV Florida kung seryoso ang LTFRB sa kanilang kampanya laban sa mga kolorum na pampublikong sasakyan. Ang nangyayari kasi, hanggang una o papogi lang ang kanilang kampanya o ‘di kaya saka lamang kikilos kapag may nangyaring trahedya tulad ng nangyari ngayon sa sasakyan ng Florida.

Ano pa man, dapat silipin ng LTFRB ang kapabayaan ng LTFRB Cordillera Autonomous Regional Office. Malaki ang kanilang pananagutan sa insidente…hindi lamang ang pamunuan ng GV Florida ang bigyan leksyon dito.

Bakit LTFRB-CAR? Una, nangyari ang insidente sa nasasakupan nila, pangalawa, sa AOR nila lumilinya ang naaksidente bus ngunit ano ang ginawa nila – hinayaan lamang nilang may tumatakbong kolurum na kanilang AOR.

Napakaimposibleng hindi alam ng LTFRB – CAR na kuwestiyonable ang ilang bus ng Florida na biyaheng Mt. Province. Araw-araw nilang nakikitang may Florida bus na umaakyat sa lugar pero ano ang kanilang hakbangin…negative. Magkano ba? Iyan lang naman ay kung nangyaring lagayan.

Sige ipagpalagay natin na walang lagayan blues, e ano tawag natin ngayon sa negative na hakbangin ng LTFRB – CAR? E ano pa kundi katamaran, katangahan, at iresponsable sila.

Hayun, dahil sa katamaran magtrabaho ng LTFRB nangyari ang trahedya…maraming buhay ang nabuwis, marami rin pansamantalang nawalan ng trabaho – mga driver at konduktor ng naturang bus company.

Kaya sa nangyaring insidente, hindi lang ang pamunuan ng GV Florida ang dapat kasuhan kundi maging ang mga taga LTFRB – lalo na ang mga iresponsableng opisyal na may rektang kinalaman sa linya ng mga bus.

***

Kahanga-hanga ngayon ang Bureau of Customs (BoC), panay ang huli nila ng smuggled goods. Marami-marami na rin silang sinalakay na bodegang pinagtaguan ng mga kontrabando pero, ang lahat ay masasabing nakatatawa. Bakit?

Ibig sabihin kasi nito, may katangahan ang pamunuan ng BoC ngayon dahil hindi nila naharang ang smuggled goods at sa halip ay nakapuslit bago nadiskubre.

Isa lang ang ibig sabihin nito, mahinang klase ang BoC ngayon. Nalulusutan sila ng smugglers…sa tulong ng mga tiwali sa loob ng Aduana.

Ang nangyayari, nakalabas na ang “produkto” bago mahuli. Kumbaga, may nangyaring kalokohan na sa Aduana dahil nga nakalabas ito.

Wala rin pala ang Aduana ngayon, kesyo ang pinakamagaling ang iuupo rito, wala rin palang kuwenta.

Almar Danguilan

About hataw tabloid

Check Also

Barbie Imperial Carlo Aquino Trina Candaza

Barbie sa bintang na dahilan ng hiwalayang Carlo-Trina: Parang ‘yung mga tao gigil na gigil maging kabit ako ‘no? 

SHOWBIZ KONEKni Maricris Valdez Nicasio TILA nanggigigil si Barbie Imperial sa mga netizen na nagbibintang sa kanya …

Bulacan Police PNP

Bulacan police umiskor
MAHIGIT 765K HALAGA NG DROGA NAKUMPISKA, 15 DRUG SUSPEK NALAMBAT AT 6 NA LAW OFFENDERS NAI-HOYO

TINATAYANG aabot sa mahigit 765K halaga ng iligal na droga ang nakumpiska habang 15 drug …

Dagdag na benepisyo hiling ng pamilya ng mga nasawing rescuers sa Bulacan

Dagdag na benepisyo hiling ng pamilya ng mga nasawing rescuers sa Bulacan

NANAWAGAN ang mga kamag-anak ng ilan sa mga nasawing rescuer sa Bulacan ng dagdag na …

shabu

3 tulak sa Gapo nasabat
MAHIGIT P1-M HALAGA NG SHABU, NAKUMPISKA

 MAHIGIT  P1-M halaga ng iligal na droga ang nakumpiska ng mga awtoridad habang tatlong tulak …

Blind Item, Man Woman Fighting

Provincial tour’ ni male star buking ni GF aktres

ni Ed de Leon NA-SHOCK ang isang aktres nang malaman niyang ang kanyang boyfriend na male …

Leave a Reply