Friday , September 30 2022

Sen. Koko Pimentel fiscalizer o papansin (Re: Decriminalization ng Libel sa Senado)

00 Bulabugin JSY

KONTRA sa decriminalization ng LIBEL si Senator Aquilino “Koko” Pimentel III, kasalukuyang chairperson ng Senate Committee on Justice.

Aniya, ito raw ang tanging remedyo para sa mga inidibidwal na sa pakiramdam nila ay nabiktima sila ng masasamang salita na naging dahilan para maapektohan ang kanilang dignidad at reputasyon.

Kakaiba ang posisyong ito ni Sen. Koko sa kanyang mga kasamahan na gumagawa ng paraan para i-decriminalize ang libel kaya imbes kulong ‘e ‘multa’ na lang ang parusa.

Muling umingay ang isyu ng decriminalization kontra libel nang katigan ng Supreme Court ang mga probisyon pabor sa online libel sa ilalim ng Cybercrime Law.

Kabilang sa mga Senador na nananawagan na i-decriminalize ang libel ay sina Senators Mirian Defensor-Santiago, Ferdinand Marcos, Alan Peter Cayetano, Francis Escudero, Edgardo Angara at Teofisto Guningona III.

Kaya naman hanggang ngayon ay hindi ako nanghihinayang na wala sa talaan ng aking ibinoto si Sen. Pan de koko ‘este’ Sen. Koko sa pagka-Senador … wala po itong personalan.

Nanghihinayang lang ako na hindi naging katulad ng kanyang erpat na si dating Senator Nene Pimentel si Senator Koko.

Naaalala ko noon kung paano nanindigan si Sen. Nene laban sa Martial Law at dikatadura.At pakikipaglaban aa malayang pamamahayag.

Malayong-malayo si Sen. Koko.

LAPU-LAPU HEALTH SPA CUM ‘POKPOKAN’ SA PASAY CITY DEADMA LANG ANG AWTORIDAD

PABORITO pala itong galaan at lamyerdahan ngayon d’yan sa Pasay City ng mga ‘maiinit’ ang katawan.

Ang tawag nila rito ay health SPA pero ang dinarayo d’yan ay ‘yung ‘espesayal na serbisyong’ pokpokan.

Saan ka naman nakakita ng health SPA na ang mga masahista ay menor de edad at nasa loob ng aquarium?!

D’yan lang ‘yan sa kanto ng Leveriza St., kanto ng Buendia Avenue.

Hindi natin alam kung kanino kumukuha ng lakas ng loob at naghihiram ng kapal ng mukha ang manager ng nasabing health SPA kuno cum ‘pokpokan’ na si  alyas Beth.

Talagang pagpasok na pagpasaok ng parokyano sa nasabing health SPA cum pokpokan ‘e nakabalandra na ang mga menor de edad na mga babae.

Kapag nakapili na ang parokyano, deretso na sa 2nd floor ng health SPA cum ‘pokpokan.’

Naroon daw kasi sa 2nd floor ang katayan na may kandado at shower room.

Ang ipinagtataka natin kahit nakabuyangyang na ito at bantog na bantog na sa nasabing area, e parang libreng-libre lang sa kanilang operasyon at tila walang nakikita ang Pasay City police.

Pasay City police chief, Supt. Florencio Ortilla, totoo bang may ‘malalim’ na dahilan ang pananahimik ng pulisya sa LAPU-LAPU Health SPA na ‘yan sa kanto ng Leveriza St., at Buendia Avenue?!

‘E how about the PASAY City Hall? Bakit tahimik na tahimik sila?!

Paki-EXPLAIN lang po.

 

Para sa mga reaksiyon, suhestiyon, reklamo at sumbong, magtext sa 0915.804.76.30 o mag-email sa [email protected] Para sa mga nakaraang isyu ng BULABUGIN please visit https://hatawtabloid.com

About hataw tabloid

Check Also

Barbie Imperial Carlo Aquino Trina Candaza

Barbie sa bintang na dahilan ng hiwalayang Carlo-Trina: Parang ‘yung mga tao gigil na gigil maging kabit ako ‘no? 

SHOWBIZ KONEKni Maricris Valdez Nicasio TILA nanggigigil si Barbie Imperial sa mga netizen na nagbibintang sa kanya …

Bulacan Police PNP

Bulacan police umiskor
MAHIGIT 765K HALAGA NG DROGA NAKUMPISKA, 15 DRUG SUSPEK NALAMBAT AT 6 NA LAW OFFENDERS NAI-HOYO

TINATAYANG aabot sa mahigit 765K halaga ng iligal na droga ang nakumpiska habang 15 drug …

Dagdag na benepisyo hiling ng pamilya ng mga nasawing rescuers sa Bulacan

Dagdag na benepisyo hiling ng pamilya ng mga nasawing rescuers sa Bulacan

NANAWAGAN ang mga kamag-anak ng ilan sa mga nasawing rescuer sa Bulacan ng dagdag na …

shabu

3 tulak sa Gapo nasabat
MAHIGIT P1-M HALAGA NG SHABU, NAKUMPISKA

 MAHIGIT  P1-M halaga ng iligal na droga ang nakumpiska ng mga awtoridad habang tatlong tulak …

Blind Item, Man Woman Fighting

Provincial tour’ ni male star buking ni GF aktres

ni Ed de Leon NA-SHOCK ang isang aktres nang malaman niyang ang kanyang boyfriend na male …

Leave a Reply