Friday , March 29 2024

Ateneo tinalo ang Adamson (Men’s Volleyball)

PINADAPA ng Ateneo de Manila ang Adamson University, 25-20, 23-25, 25-16, 25-15, nung isang araw  upang patatagin ang paghawak nito sa ikalawang puwesto tungo sa Final Four ng UAAP Season 76 men’s volleyball sa Smart Araneta Coliseum.

Nagtala ng 20 puntos ang baguhang si Ysrael Marasigan samantalang nagdagdag ng 18 puntos ang isa pang rookie na si Mark Espejo para pangunahan ang Blue Eagles na tumapos ang kanilang kampanya sa eliminations na may 11 panalo at tatlong talo.

Nangunguna ngayon ang defending champion National University na may 11-2 na karta.

Bumagsak ang Falcons sa 7-7 at halos laglag na sila sa Final Four dahil llamado ang De La Salle University (7-6) sa laro nito kontra sa wala pang panalong University of the East (0-13) mamayang alas-8:30 ng umaga sa The Arena sa San Juan.

Papasok ang Archers sa Final Four kung mananalo sila kontra Warriors ngunit kung mananalo ang UE ay magkakaroon ng playoff ang Adamson at La Salle para sa huling puwesto sa semis.

Sa no-bearing na unang laro, pinataob ng University of Santo Tomas ang University of the Philippines, 25-23, 25-19, 25-17.

Parehong laglag na sa Final Four ang dalawang pamantasan.

Sa women’s volleyball naman, kailangang manalo ang Far Eastern University kontra Ateneo mamayang alas-4 ng hapon sa San Juan Arena para manatiling buhay ang pag-asa ng Lady Tamaraws na makahirit ng playoff para sa huling puwesto sa Final Four.

Pasok na sa Final Four ang Lady Eagles sa pangunguna ni Alyssa Valdez na may 9-4 panalo-talo, kasama ang La Salle at National University.

Magbabakbakan ang UE at UP sa no-bearing na laro sa alas-2.

(James Ty III)

About hataw tabloid

Check Also

Buhain Richard Bachmann

Buhain, umayuda sa HB Bills para sa PH Sports

Pinangunahan ni Batangas 1st District Congressman Eric Buhain ang pagtalakay at pagsuri sa mga isinusulong …

Pinoy wreslers Olympics

Pinoy wreslers, kayang umabot sa Olympics

KUMPIYANSA si Wrestling of the Philippines (WAP) president Alvin Aguilar na ang mga repormang ipinatupad …

Kheith Ryhnne Cruz TOPS Olympic

TOPS Olympic slots, target ni table tennis star Kheith Rhynne Cruz

MABIGAT ang hamon na kakaharapin ni Pinay table tennis phenom Kheith Ryhnne Cruz para sa …

30 bolang ginamit sa FIBA Qualifiers, ipinagkaloob sa Pasay LGU

30 bolang ginamit sa FIBA Qualifiers, ipinagkaloob sa Pasay LGU

NAG-DONATE kahapon, 20 Marso 2024, ng 30 bola ang Samahang Basketbolista ng Pilipinas (SBP) sa …

Reli de Leon Antonella Berthe Racasa

High Roller bida sa Triple Crown Stake

IBINABA lamang bilang fifth choice, ninakaw ng High Roller ni Lamberto “Jun” Almeda, Jr., ang …

Leave a Reply

Your email address will not be published. Required fields are marked *