Friday , February 3 2023

Petron tatapusin na ng RoS

DEHADO man dahil wala ang kanilang head coach, hindi pa rin ubrang maliitin ang Rain Or Shine kontra Petron Blaze sa Game Five ng best-of-seven semifinal round ng PLDT myDSL PBA Philippine Cup mamayang 8 pm sa  Smart Araneta Coliseum sa Quezon City.

Nagawa ng Elasto Painters na magwagi, 88-83 sa Game Four noong Lunes kahit pa na-thrown out si coach Joseller “Yeng” Guiao.  Dahil doo’y nakalamang sila sa serye, 3-1 at kung makakaulit sila mamaya ay didiretso na sila sa best-of-seven Finals.

Si Guiao ay na-thrown out matapos na matawagan ng ikalawang technical foul bunga ng pagmumura sa referee may 6:30 ang nalalabi sa third quarter. Lamang ang Petron, 60-54 sa yugtong iyon.

Sa paglabas ni Guiao sa hardcourt ay pinasulutan niya ang direksyon ng Commissioner’s row. Dahil doon ay ipinatawag siya at pinagpaliwanag ni Commissioner Chito Salud.

Si Guiao at sinuspindi ng isang laro at pinagmulta ng P100,000.

Pangalawang sunod na pagkakataon nang na-thrown out si Guiao sa serye. Na-thrown out din siya may higit isang minuto ang nalalabi sa Game Three at nagwagi ang Petron, 106-73.

Ang hahawak sa Elasto Painters mamaya ay si assistant coach Caloy Garcia na nagsabing susundan na lang nila ang game plan at umaasa siyang magiging maganda ang execution ng mga manlalaro.

Ang ibang sasandigan ni Garcia ay sina Gabe Norwood, Beau Belga, Paul Lee, JR Quinahan at mga rookies na sina Raymond Almazan at Alex Nuyles.

Kahit pa kailangan ng kanyang koponan na magwagi sa tatlong sudden-death matches upang umabot sa Finals, naniniwala si Petron Blaze coach Gelacio Abanilla IIII na kaya nilang gawin ito. Ang Boosters ay nakapagposte ng malaking kalamangan subalit nawala hindi lang sa Game Four kungdi pati sa Game Two kung saan lumamang sila ng 16 puntos pero natalo, 103-94. Natalo din sila sa Game One, 103-95.

Sa Game Four ay naglaro ng 44 minuto ang higanteng si June Mar Fajardo at gumawa ng 44 puntos.

Pero kakailanganin ni Fajardo ng tulong buhat sa mga tulad nina Cabagnot, Arwind Santos, Chris Lutz at Marcio Lassier upang makaiwas sa pagkalaglag ang Boosters.

ni SABRINA PASCUA

About hataw tabloid

Check Also

Casares, Alcoseba nanguna sa National Age Group Triathlon Series

Casares, Alcoseba nanguna sa National Age Group Triathlon Series

OLONGAPO – Ipinamalas ng Filipino-Spanish na si Fernando Jose Casares ang kanyang tibay, lakas at …

Henry Calacday

Calacday, Tayag, Soliman kalahok sa Tarlac chess tourney

MANILA — Pangungunahan nina Henry Calacday, Jesus Tayag, at Arnold Soliman ang pagtatangol sa probinsiya …

Martin Romualdez Justin Brownlee

Pagbati kay Brownlee ipinaabot ng Speaker

IPINAABOT ni House Speaker Ferdinand Martin G. Romualdez ang pagbati sa basketball player na si …

Racasa Chess

PH woodpusher Racasa sasabak sa Indonesia

MANILA — Matapos magkampeon sa High School Girls Division ng Pasig Alliance of Private School …

Jan Emmanuel Garcia Herky Del Mundo MARLON BERNARDINO Chess

IM Garcia naghari sa Del Mundo Open Rapid chess tourney

MANILA — Pinagharian ni International Master (IM) Jan Emmanuel Garcia ang Sir Herky Del Mundo …

Leave a Reply