Friday , March 29 2024

Ser Chief, binantaang papatayin ng isang basher

GOOD karma ang pasok ng Chinese New Year kay Richard Yap dahil  nag-share ito sa mga kaibigan niya sa movie press. Nagkaroon siya ng Thanksgiving party sa pag-aari niyang Wangfu Chinese Bistro sa Tomas Morato.

Hindi na masyadong aktibo si Richard sa social media dahil kulang din siya sa oras. Isa sa grabeng basher niya ay ‘yung binantaan siyang papatayin.

“Hindi ko alam sa kanya kung bakit. Sabi niya, ‘Papatayin kita tandaan mo yan.’ Ako naman, ‘Huh?Ewan ko.’ It was a new account, nakita ko lang eh, siguro wala siyang magawa sa buhay niya,” natatawang kuwento ng actor ng top-rating daytime drama series nila ni Jodi Sta. Maria na Be Careful With My Heart ng ABS-CBN.

Hindi pinapatulan ni Richard ang mga ganoong bagay. Itutulog na lang daw niya at sayang ang oras niya para sagutin pa ‘yun.

Maraming plano si Richard sa 2014. May alingasngas na magsasama sila ni Anne Curtis sa isang project pero wala pang kompirmasyon dahil magiging abala si Anne sa Dyesebel. Basta aasikasuhin din ni Sir Chief ang kanyang singing career.

“We’re planning to do more shows, siguro abroad and in the Philippines. Mga, hindi naman concert, shows lang, small shows lang, we’d rather do small shows, ayoko munang mag-concert siguro.”

Marami ang nagsasabi na puwede na siyang gumawa ng major concert sa Araneta Coliseum.

“Araneta Avenue puwede,” tumatawa niyang sagot.

“Gusto ko ng ano, I’d rather have, gusto ko more experience with performing before I go and do a full concert kasi ayoko na malugi ‘yung mga tao na manonood sa akin.Gusto ko naman maganda ‘yung ipalalabas natin, ‘di ba? Siyempre value for money,” hirit pa niya.

Joey, nalungkot na hiwalay na si Alma kay Sultan Fahad

NALUNGKOT si Joey Marquez sa balitang hiwalay na ang dati niyang misis na si Alma Moreno kay Marawi City Mayor Sultan Fahad “Pre” Salic. Napanood lang daw niya ito sa Startalk.

Hindi kaya magkabalikan sila ni Ness lalo’t may anak sila?

“Matatanda na kami, eH,” bungad niyang reaksiyon.

Wala naman daw siyang karelasyon ngayon at nasa kanya lahat ang mga anak nila.

May posibilidad ba na maging sila ulit ni Alma?

“Matanda na kami,” simple lang niyang sagot.

“Parang mahirap eh, kasi alam mo ang isang bagay kapag nabasag kahit na kumpunihin mo, kahit lagyan mo pa ng glue ‘yan, andoon pa rin ‘yung lamat, eh. Mas maganda ‘yung magkaibigan kayo ngayon na puwede naman kayong magtulungan, ‘yung you take care of each other kahit paano.

Pero mas mahirap ‘yung nagsama kayo, magsusumbatan kayo bandang huli, eh. I dunno kung tama iyon,” dagdag pa niya.

Gwen, lola na ni Max sa isang serye

PARANG hindi Pasko ang naramdaman ni Gwen Zamora nang mag-Christmas siya sa Tacloban. Dalawang taon na kasi ang pakikipagrelasyon niya kay Raymund Romualdez, anak ng Tacloban mayor na si Alfred Romualdez.

Tinanong si Gwen kung may plano na ba silang magpakasal ng kanyang boyfriend. Depende raw sa recovery ng Tacloban ang kanilang kasal.

“It was so hard to celebrate. Sina Tita Cristina (Gonzales) at si Tito Alfred, you didn’t feel it’s Christmas. No one partied or anything, Noche Buena. Ni hindi nga umabot ng Noche Buena si Tito Alfred. He’s so tired. Since it happened (bagyong Yolanda), hindi siya nakakatulog,” kuwento ni Gwen.

May nagtanong kay Gwen kung bakit pumayag siya sa role na lola siya ni Max Collins? May pagka-fantasy at mystery pala ang serye. Pumayag siya na maging lola dahil na-trap siya sa frame.

Iniintriga rin siya kung bakit pumayag siya na maging supporting ni Max samantalang nauna naman siya sa Kapuso Network.

“When have I ever said no?The more I care, lalo akong mai-stress, ayoko. Maybe, the world’s not yet ready for me,” bulalas niya.

ni Roldan Castro

About hataw tabloid

Check Also

Marissa Delgado Marian Rivera

 Marissa Delgado tagahanga ni Marian, gandang-ganda sa aktres

RATED Rni Rommel Gonzales SI Marissa Delgado, na gumaganap na si Nova, ang masungit na biyenan ni Marian …

Xian Lim

Xian sa love: painful and a magical feeling

MA at PAni Rommel Placente NOONG nakaraang Biyernes, March 22, si Xian Lim ang naging guest sa Fast …

Cristy Fermin Baron Geisler

Cristy Fermin napatunayan anak ni Baron sa isang aktres

PUSH NA’YANni Ambet Nabus TILA naging vindication naman para sa ating kaibigan at nanay-nanayang Cristy Fermin ang …

Baron Geisler Cristine Reyes Dearly Beloved

Baron binago estilo sa acting, Cristine magaling pa rin

PUSH NA’YANni Ambet Nabus NANIBAGO kami sa ipinakitang acting ni Baron Geisler sa Dearly Beloved, ang latest movie …

Marianne Beatriz Bermundo Khristine Kate Almendras Ornopia Aspire Magazine Ayen Cas

Aspire Magazine tuloy na pag-arangkada; 2 beauty queen inihataw ang galing

SHOWBIZ KONEKni Maricris Valdez Nicasio NAKABIBILIB ang publisher ng Aspire Magazine na si Ayen Cas dahil sa bawat issue …

Leave a Reply

Your email address will not be published. Required fields are marked *