HATAW! D'yaryo ng Bayan hatawtabloid.com
ni Reggee Bonoan
Heavy drama naman ang kuwento ng Bawat Sandali nina Derek Ramsay, Angel Aquino, Yul Servo, Mylene Dizon, at Phillip Salvador dahil may love triangle ito.
Tila nahahawig ang kuwento ng Bawat Sandali sa Diabolique ni Sharon Stone noong 1996 na akala ay napatay niya ang lalaking nakatalik niya pero hindi pala.
Halos ganito rin ang nangyari kina Angel at Derek na sobrang intense ang kanilang nararamdaman sa isa’t isa pero pilit ng nakikipag-hiwalay ang aktres sa aktor dahil nga may asawa siya hanggang sa magtalo sila at mahulog sa bintana ang binata at dahil sa takot sa pag-aakalang patay na ay inilibing siya sa gubat.
Pero buhay pa pala dahil nang matagpuan ng mga pulis ay biglang gumalaw at itinakbo sa hospital, ‘yun nga lang, nagkaroon kuno ng amnesia.
Si Yul ang asawa ni Angel na may posisyon sa gobyerno at kakilala si Derek dahil naging kaklase pala noong nag-aaral pa sila.
Ang gagaling ng buong cast ng Bawat Sandali, walang itulak kaibigin kaya talagang panonoorin namin ang episode na ito sa Pebrero 25, Martes dahil ang ganda ng istorya.
Ang ganda ng apat na episodes ng Studio5 Original Movies kaya’t sana’y mapansin at mapanood ito ng marami.
