Thursday , September 29 2022

Ayawin na si Marquez?

IBA na si Juan Manuel Marquez.

Kung noon ay bilib tayo sa tapang nitong si Juan Manuel Marquez, medyo sumadsad na ang paghanga natin sa Mexican boxer.

Sa kasalukuyan ay hindi na ganoon ang tapang ni JMM pagkatapos na matsambahan niya si Manny Pacquiao noong isang taon.

Ngayon ay namimili na siya ng makakalaban.   Hindi katulad noon na kahit sino ang itapat sa kanya—haharapin niya.

Tingin natin, nararamdaman na niya ang pagsisid ng lakas at kalidad pagkatapos na maramdaman niya na wala na siyang ibubuga bago pa niya matsambahan si Pacquiao sa 6th round.

Hindi lang tayo ang nagsasabi niyan kungdi ang iba pang mga sports writers na nakapanood ng Pacquiao-Marquez 4.

Kaya nga pagkatapos ng labang iyon ay inayawan na niya ang Part 5 ng paghaharap nila ni Pacquiao.   Sa halip ay si Tim Bradley ang kinalaban niya.   At hindi nga siya nagkamali—wala na ngang hangin ang kanyang bodega.  Natalo siya kay Bradley.

Ngayon, hinahamon siya ni Ruslan Provodnikov na muntik nang tumalo kay Bradley.  At gaya nang inaasahan natin, hindi nga kumasa si JMM.

Natatakot na siyang magsuson-suson ang talo niya.

Namimili na siya ng makakalaban.

E, kung ganoon na ang kalidad ni JMM, dapat na sigurong ikunsidera niya ang pagreretiro.

oOo

In fairness kay JMM, nagpahayag ang kampo niya na posibleng makaharap ng Mexican boxer ang mananalo sa rematch nina Bradley at Pacquiao sa May.

Pambawi niya iyon sa pag-ayaw kay Provodnikov.

Katwiran ni Marquez na wala siyang mapapala kung lalabanan niya si Provodnikov.  Wala raw itong titulong hawak.   Misyon kasi ng Mehikano na tumangay pa ng isang korona para sa kanyang legacy sa boxing bago magretiro.

Oops.  Masamang indikasyon  iyon na aminado na si Marquez na kaunti na lang ang nalalabi sa kanyang lakas. Kaya irireserba na niya iyon sa huli niyang laban sa May.

Pag ganoon nga—ano pa ang ibubuga niya kina Pacquiao at Bradley kapag nakaharap niya?

oOo

Naniniwala si Bradley na madadalawahan niya si Pacquiao sa Abril.

Kung nagawa niyang talunin si Pacman noong nakaraang taon—magagawa niya uling manaig sa muli nilang paghaharap.

Well, posibleng pampalakas lang ng loob iyon ni Bradley dahil alam niya ang katotohanan na talo talaga siya sa una nilang laban.

Puwede ring babala iyon ni Bradley para sirain ang mental toughness ng Pambansang Kamao.

Sa ngayon kasi, iba na ang level ni Bradley pagkatapos na talunin niya sa isang kontrobersiyal na laban nila ni Pacquiao na kung saan ay idineklara siyang panalo ng dalawang hurado.

Matindi kasi ang huling dalawang panalo ni Bradley pagkatapos ng labang iyon. Giniba niya si Marquez sa isang desisyon at tinalo niya ang matinding si Provodnikov.

Alex Cruz

 

About hataw tabloid

Check Also

Darwin Laylo

Para sa Biyernes
PEZA PUNONG ABALA SA RAPID CHESS TILT 

MANILA — Sa pakikipagtulungan ng JC Premiere Marikina Business Center ay magsisilbing punong abala ang …

Nicola Queen Diamante

Sa 1st Novice Swim Championship
6 MEDALYA HINAKOT NI DIAMANTE

NADOMINA ni Nicola Queen Diamante ang anim sa pitong event na nilahukan para tanghaling “most …

Al-Basher Basty Buto Chess

NM Buto naghari sa Angeles rapid chess festival

MANILA — Naitala ni National Master Al-Basher “Basty” Buto ng Cainta, Rizal ang importanteng panalo …

Philracom Horse Race

Paborito si Mommy Caring

MARKADO sina Mommy Caring at Cam From Behind sa magaganap na 2022 PHILRACOM “Sampaguita Stakes …

Rubilen Amit Carlo Biado Johann Chua

Amit, Biado, Chua namayagpag
PH TRIO KAMPEON SA WORLD TEAMS 10-BALL

ni Marlon Bernardino MANILA — Itinanghal na kampeon ang Filipino trio na sina Rubilen Amit, …

Leave a Reply