PINAG-AARALAN ng La Union Veterinary Office kung bakit nagsilang ng tuta ang isang kambing sa Brgy. San Agustin, San Fernando City, sa nasabing lalawigan.
Laking gulat ni Jovita Ochoco, may-ari ng kambing, nang makita niya na ang iniluwal ng alaga ay tuta at hindi kambing.
Sa paglalarawan ng may-ari at ilang residenteng nakakita, parang aso ang mukha at katawan, at walang sungay ang isinilang ng kambing.
Ayon sa residente na si Marilou Picorro, hawig nito ang pug o Boston Terrier na uri ng aso.
Nabatid na premature ang isinilang kaya namatay din ito makalipas ang ilang oras kasama ang dalawang kapatid.
Sa inisyal na pagsusuri ni Dr. Flosie Decena, posibleng sanhi ito ng gene mutation na naapektohan nang malamig at pabago-bagong panahon na nararanasan sa bansa.
(BETH JULIAN)
