Buhay ibinuwis ng gamer para sa Xbox
IBINUWIS ng isang gamer ang kanyang buhay sa pamamagitan ng pagbalik sa nasusunog na bahay upang sagipin ang kanyang Xbox.
Una rito, nakatakbo palabas ang lalaki mula sa kanyang bahay sa Kansas nang mapansin ang pag-kalat ng apoy, ayon sa ABC15.
Gayunman, nang maalala na ang minamahal niyang game console na naiwan sa loob, muli siyang bumalik sa bahay.
Nagawa niyang masagip ang Xbox ngunit nahirapang makahinga dahil sa usok.
Ayon sa ulat ng Metro, ang sunog ay nagdulot ng £50,000 halaga ng pinsala sa kanyang bahay.
(ORANGE QUIRKY NEWS)
