HINIMOK ni Pangulong Benigno “Noynoy” Aquino III ang Bangsamoro Transition Commission (BTC) na bilisan ang pagkompleto sa draft ng Bangsamoro Basic Law para magkaroon nang sapat na pagkakataon para maipasa at mapagtibay bilang ganap na batas.
Sinabi ni Peace Adviser Ging Deles, inihayag ng Pangulong Aquino sa kanyang meeting sa BTC na dapat matapos ang paghahanda sa lalong madaling panahon sakto sa transition pagdating ng 2016.
Ayon aniya kay Pangulong Aquino, tiyakin lamang na transparent ang trabaho at konsultahin ang lahat ng mga sektor para malawak ang makukuhang suporta.
Tiniyak naman ng Pangulong Aquino sa BTC ang buong suporta ng national government partikular sa usapin ng technical at political support, sapat na budget at gabay para maipasa ang nasabing batas.
(ROSE NOVENARIO)
