Tuesday , January 31 2023

3-0 target ng RoS Laro Ngayon (MOA Arena)

3:30 pm – Rain Or Shine vs. Petron Blaze

ISANG hakbang pa papalapit sa Finals ang  tatangkaing kunin ng Rain Or Shine sa pagkikita nila ng Petron Blaze sa  Game Three ng best-of-seven semifinal round ng  PLDT myDSL PBA Philippine Cup mamayang 3:30 pm sa Mall of Asia Arena sa Pasay City.

Nakapagposte ng 2-0 abante ang Elasto Painters sa serye matapos na muling magwagi sa Game Two, 103-94 noong Miyerkoles.  Nanaig din ang Elasto Painters sa Game One, 103-95.

Sa Game two ay masama ang naging umpisa ng Rain Or Shine nang mapigilan ng Petron ang running game nito. Dahil dito ay nakalamang ang Boosters, 32-18 sa first quarter.

Pero naibaba ito ng Rain Or Shine, 54-46 sa halftime at naging dikdikan na ang laban ng dalawang koponan sa second half.

“It was a physical game, but that is really our game. For a while I thought it was a lost game but the guys  did not give up.  We carved up a hard win,” ani Rain or Shine coach Joseller “Yeng” Guiao. “It’s a testament to the mental toughness of the boys. The game may be physical but it’s still mental.”

Si June Mar Fajardo pa rin ang main weapon ng Petron at nagtapos itong may 20 puntos sa Game Two. Kaya naman todo ang depensa ng  Rain Or Shine kay Fajardo na pinipigilan ng apat na manlalarong sina Beau Belga, JR Quinahan, Raymond Almazan at Larry Rodriguez.

“2-0 is a good place to be at this point. But we need two more wins and that won’t be easy,” dagdag ni Guiao na patuloy na aasa sa opensa nina Gabe Norwood , Jeff Chan, Paul Lee at Ryan Arana.

Sa kabila ng pagkabigo sa unang dalawang larong serye, naniniwala si coach Gelacio Abanilla III na kaya ng Boosters na makabawi. Napigilan nga nila ang running game na sandata ng Rain or Shine sa Game One kung kaya’t sinasabi ni Abanilla na mental focus na lang ang kailangang mapaganda ng kanyang mga bata.

Si Fajardo pa rin ang pangunahing sandata ng Boosters subalit kailangan itong matulungan nina Arwind Santos, Alex Cabagnot, Marcio Lassiter, Chris Lutz at Doug Kramer kung hangad ng Petron na makaisa sa Rain or Shine.

(SABRINA PASCUA)

About hataw tabloid

Check Also

Casares, Alcoseba nanguna sa National Age Group Triathlon Series

Casares, Alcoseba nanguna sa National Age Group Triathlon Series

OLONGAPO – Ipinamalas ng Filipino-Spanish na si Fernando Jose Casares ang kanyang tibay, lakas at …

Henry Calacday

Calacday, Tayag, Soliman kalahok sa Tarlac chess tourney

MANILA — Pangungunahan nina Henry Calacday, Jesus Tayag, at Arnold Soliman ang pagtatangol sa probinsiya …

Martin Romualdez Justin Brownlee

Pagbati kay Brownlee ipinaabot ng Speaker

IPINAABOT ni House Speaker Ferdinand Martin G. Romualdez ang pagbati sa basketball player na si …

Racasa Chess

PH woodpusher Racasa sasabak sa Indonesia

MANILA — Matapos magkampeon sa High School Girls Division ng Pasig Alliance of Private School …

Jan Emmanuel Garcia Herky Del Mundo MARLON BERNARDINO Chess

IM Garcia naghari sa Del Mundo Open Rapid chess tourney

MANILA — Pinagharian ni International Master (IM) Jan Emmanuel Garcia ang Sir Herky Del Mundo …

Leave a Reply