HATAW! D'yaryo ng Bayan hatawtabloid.com
NANG mabasa natin ang balita tungkol sa magsyota na natagpuang patay sa Taxi Apartelle na nakitaan din ng 12 kilo ng shabu, nakompirma natin ang mga reklamo at info sa inyong lingkod na ang mga motel, hostel at apartelle d’yan sa Cubao, Quezon City ay ginagamit ng sindikato ng droga.
Marami na tayong nai-interview na biktima ng paggamit ng illegal na droga, lalo na ng mga gumagamit ng shabu, ang umamin na d’yan sila mabilis na nakakukuha dahil mismong mga room boy ang tulak.
Paging QCPD Director, Gen. Richard Albano, Sir, mukhang totolo-totolonges ang station commander mo d’yan sa Cubao (QCPD PS 7) at ang hepe ng District Anti-Illegal Drugs (DAID) ninyo.
Pakibusisi nga Gen. ALBANO kung ano ang pinagkakaabalahan nina Supt. Ramon Pranada ng Cubao Station at Sr. Insp. Roberto Razon at kung bakit hindi man nila narerekorida ‘yang Cubao area.
O baka naman tayo lang ang hindi nakaaalam na alam nina Kernel Pranada at Kupitan ‘este’ Kapitan Razon ang nagaganap na ‘palitan,’ ‘bagsakan’ at bilihan ng ILLEGAL na DROGA sa Cubao.
By the way, GEN. ALBANO, SAAN nga pala napunta ang 12 kilo ng SHABU na nakuha roon sa magsyota na natagpuang patay sa Taxi Apartelle?!
Nagreport na ba sa iyo ang mga ‘TAUHAN’ mo kung ano talaga ang ‘ISTORYA’ sa likod ng magsyotang dedbol sa motel at sa ‘nawawalang’ 12 kilo ng shabu?!
Pakitanong lang po ulit, kung nasaan ang 12 kilo ng shabu?!
Paiikutin ba ulit ‘yan sa mga motel, hostel at apartelle d’yan sa CUBAO, QUEZON CITY?!
Para sa mga reaksiyon, suhestiyon, reklamo at sumbong, magtext sa 0915.804.76.30 o mag-email sa [email protected]. Para sa mga nakaraang isyu ng BULABUGIN please visit https://hatawtabloid.com
