Friday , March 29 2024

Tsekwang may sanrekwang baril na-release sa ‘magkano’ ‘este paanong paraan?!

00 Bulabugin JSY
NAALALA po ba ninyo ang Chinese national na nadakip at nahulihan ng sandamakmak na baril na mayroon pang martilyo at shabu sa compartment ng kanyang kotse?!

Ang pangalan po niya ay JERRY SY. Inaresto siya ng mga pulis-Pasay dahil hinabol niya ng saksak ang isang Joseph Ang, ang kilalang casino financier sa Resorts Worst este World Manila.

Pero sa hindi maintindihang pangyayari ay napakawalan (na-release) si Jerry Sy. Magkano este paano kaya nangyari ‘yun?

Pinayagan siyang magpiyansa ng isang fix-cal este fiscal. Ang galing naman ng abogado ni Jerry Sy.

Tsk tsk tsk …

Ayon sa isang very reliable source, ‘MALAKI’ ang budget kung bakit na-release si Jerry Sy.

Hay naku! D’yan talaga sa Pasay, “if the price is right” lang ang pinag-uusapan.

Pero ang masaklap, nang makalabas sa detention cell si SY, nasakote naman siya ng Immigration agents.

Doon natuklasan na ‘yan palang si SY ay illegal alien.

Walang ano mang papeles na naipakita bilang dayuhan kaya hayon naka-destiero ngayon sa Bicutan Immigration detention.

Ang balita natin, kung sino-sino na naman ang tinatawagan ng kanyang mga KONEK para makalabas si SY. Malaki daw ang budget. Mula dalawa hanggang limang mansanas.

Pero balita natin ay walang PUMAPATOL.

Ganyan talaga, money can’t buy everything.

Natutuwa tayo at mayroon pang ‘matitinong’ nakakasalubong ang mga KONEK ni JERRY SY.

Ang tanong lang natin ay hanggang kailan kaya?!

Immigration intelligence chief Jose Carlitos Licas, paki-check lang po nag status nitong si JERRY SY, at baka isang araw ay mayroong masilaw sa inaalok ng kanyang mga KONEK na mansa-mansanas.

Babantayan po natin ang kasong ito.

 

Para sa mga reaksiyon, suhestiyon, reklamo at sumbong, magtext sa 0915.804.76.30 o mag-email sa [email protected]. Para sa mga nakaraang isyu ng BULABUGIN please visit https://hatawtabloid.com

About hataw tabloid

Check Also

Sir Jerry Yap JSY Ed de Leon

Sa unang Pasko na wala siya
JSY HINDI NAKALIMOT SA MGA EMPLEYADO

ni ED de LEON AYOKONG isipin na wala na si Boss Jerry. Ang laging nasa …

Sir Jerry Yap JSY Nino Aclan

JSY, the best boss that i’ve ever met

ni Niño Aclan SIR JSY is the “Best Boss” that I’ve ever meet. Ganito ko …

Sir Jerry Yap JSY Bong Son

Totoong tao, tunay na kaibigan, best boss ever

ni BONG SON TUNAY na ako’y napahanga sa ipinakitang pagmamahal ng publisher ng HATAW Diyaryo …

Sir Jerry Yap JSY Ms M

Forever grateful kay JSY

ni Maricris Valdez-Nicasio COOL boss. Ganito ko sabihin at ilarawan ang aming publisher na si …

Sir Jerry Yap JSY Rose Novenario

Matatag, maaasahan, may paninindigan
PINAKAMATAAS NA PAGSALUDO SA IYO, SIR JERRY!

ni ROSE NOVENARIO KUNG ilalarawan ko ang pagkatao ni Jerry Sia Yap bilang employer at …

Leave a Reply

Your email address will not be published. Required fields are marked *