HATAW! D'yaryo ng Bayan hatawtabloid.com
LEGAZPI CITY – Anim katao ang patay habang lima ang sugatan sa banggaan ng bus at sport utility vehicle (SUV) sa Juban, Sorsogon kahapon ng madaling araw.
Kabilang sa mga namatay ang bus driver na si Danilo Montefalcon y Zafra, ng Sampaloc, Maynila; Rosalito Malig y Bobadilla, driver ng SUV; Alfredo Manansala y Manapol; Jaime Malabanan y Javier; Levy Erasga y Mercado; at Vicente Clarito y Antay, pawang taga-Calamba, Laguna.
Sugatan sina Ronalyn Dosa, Alvin Ruiz, Angelika Pagasertonga, Boy Navarosa at Analiza Macapanas, kasaluku-yang nasa Sorsogon Provincial Hospital.
Ayon sa impormas-yon, mula sa Samar ang mga nakasakay sa Suzuki SUV (TGO-350) dahil sa misyon bilang Born Again Christians habang galing naman sa Maynila ang Fortune Bus (UVB-943).
Nakalagak sa Hadoc Funeral sa Juban ang labi ng mga biktima at nakatakdang isailalim sa awtopsiya.
Patuloy pa ang im-bestigasyon ng pulisya sa insidente bagama’t lumalabas na head on collision ang nangyari.
4 sugatan
WAITING SHED INARARO NG BUS 2 PASAHERO TODAS
CAUAYAN CITY, Isabela – Patay ang dalawang pasahero at apat ang su-gatan makaraang bumangga ang pampasahe-rong bus ng Ballesteros Bus Liner (BW 8594) kahapon ng madaling araw sa waiting shed sa Brgy. Diamantina, Cabatuan, Isabela.
Kabilang sa dalawang namatay ay ang konduktor na si Ralph Quismundo, residente ng Cabuluan East, Ballesteros, Cagayan, at isang hindi pa nakikilalang babae na tinatayang 30 anyos.
Kinilala ang mga su-gatan na sina Jonesto Tagumati, driver at residente ng Ballesteros, Cagayan; Rommel Ison, residente ng Binangonan, Rizal; at Ma. Alisa Collado, 25, residente ng Cagayan.
Sa paunang pagsisiyasat ng PNP Cabatuan, iniwasan ng bus ang isang motorsiklo na minamaneho ng isang Mauro Tagavilla na naputulan ng mga daliri sa kamay dahil sa insidente.
Ngunit sa kasamaang-palad ay sumalpok ang bus sa waiting shed.
Ang pampasaherong bus ay galing sa Metro Manila patungong Ballesteros, Cagayan.
ni BETH JULIAN
