Sunday , December 5 2021

Saludo para sa sundalo

“The Filipinos are worth dying for.” – dating Senador Benigno “Ninoy” Aquino Sr.

***

Panahon ng kasiyahan ang buwan ng Disyembre. Dito ipinagdiriwang ng bawat tao sa buong mundo ang kapanganakan ni Hesus. Kapaskohan ang isang mahalagang okasyon tuwing sasapit ang buwan na ito.

Ngunit hindi lamang ito panahon ng kasayahan lalo na sa mga Pilipinong kailan lang ay naapektohan ng mga sakuna. Nand’yan ang kaguluhan sa Zamboanga, ang 7.2 magnitude na lindol sa Bohol, at ang pananalasa ng super typhoon Yolanda sa Visayas. Maraming nasirang mga ari-arian, gayon din ang mga naibuwis na buhay.

Marami na rin Filipino ang nagbuwis ng buhay para sa Pilipinas. Mula sa mga bayaning lumaban para sa kalayaan natin mula sa mga mananakop, na nagpatunay na ang Pilipinas ay para sa mga Filipino, kay dating Sen. Benigno “Ninoy” Aquino, Sr., na muling binuhay sa bawat Filipino ang halaga ng nasyonalismo at demokrasya, hanggang sa mga Filipinong maituturing na rin bayani dahil sa pagbubuwis nila ng buhay para sa ikabubuti ng nakararami.

Bayaning maituturing si Private First Class (Pfc) Ian O. Paquit PA matapos maibuwis ang kanyang buhay habang isinasagawa niya, kasama pa ang ibang kasamahang sundalo ng Armed Forces of the Philippines (AFP), ang kanilang misyon na ibalik ang kapayapaang ginulo ng paksyon ng Moro National Liberation Front (MNLF) na mga tao ni  Nur Misuari.

Binawian ng buhay si Pfc Paquit sa ospital, ilang araw matapos tamaan ng bala sa kanyang leeg habang nakikipaglaban sa pwersa ng mga tauhan ni Misuari sa Zamboanga City.

“Mahal ko ang trabaho ko higit sa kahit ano pa man.” Ito umano ang sinabi ni Pfc Paquit sa kanyang kapatid sa kabila ng panghihimok na huwag nang bumalik sa Zamboanga matapos masugatan.

Ngunit hindi iyon sapat para mapigilan si Pfc Paquit sa kagustuhan na makatulong sa kasamahan at maibalik muli ang kapayapaan sa Zamboanga. Sa kanyang muling pagbalik sa labanan ay isinakripisyo niya ang kanyang buhay para madepensahan ang mga kasamahan na lumalaban din ng mga panahong iyon sa mga tauhan ni Misuari.

Sa kabila ng batang edad na 21 anyos ay hindi nagpatinag si Pfc Paquit na gawin ang kanyang sinumpaang tungkulin para sa mga Filipino.

Noong nakaraang 78th AFP Anniversary ay tinanggap ng kanyang amang si Eduardo O. Paquit ang Medal of Valor (Posthumous) para sa anak. Sinasalamin ng nasabing award ang ipinakitang kabayanihan, katapangan, dedikasyon at sakripisyo ni Pfc Paquit.

Isa lamang si Pfc Paquit sa mahigit 50 indibidwal na ginawaran ng parangal ni Pres. Benigno S. Aquino III sa nasabing anibersaryo.

Nararapat na gawing huwaran si Pfc Paquit dahil sa kanyang ipinamalas na kabayanihan. Sa pagtatapos ng taong ito ay ating alalahanin ang lahat ng mga Filipinong tapat na tinupad ang kanilang tungkulin na paglingkuran ang mga kapwa Filipino.

Manigong Bagong Taon po sa inyong lahat!

Gerry Zamudio

About hataw tabloid

Check Also

Marian Rivera Beatrice Luigi Gomez

Marian Rivera hurado raw sa Miss Universe 2021?

I-FLEXni Jun Nardo TIKOM pa ang bibig ng GMA Network at Triple A management team ni Marian Rivera, kaugnay …

Bong Go Willie Revillame

Willie nalungkot sa pag-atras ni Go

FACT SHEETni Reggee Bonoan INANUNSIYO na ni Sen. Bong Go na iniaatras na niya ang kandidatura sa pagka-Presidente ng Pilipinas. …

Blind Item, Man Woman Fighting

Aktor at aktres panay ang dyombagan

FACT SHEETni Reggee Bonoan AWAY-BATI ang drama ng magkarelasyon na ito at matindi silang mag-away dahil …

Eric Santos Angeline Quinto

Angeline Quinto buntis nga ba?

FACT SHEETni Reggee Bonoan HINDI kaagad nakasagot si Eric Santos nang tanungin siya ni Nay Cristy Fermin kung buntis …

Beatrice Luigi Gomez Rabiya Mateo Catriona Gray Janine Tugonon Miriam Quiambao

MUP winners may sumpa nga ba sa lovelife?

KITANG KITA KOni Danny Vibas HINDI naniniwala si Rabiya Mateo, 25, na may “sumpa” ang …

Leave a Reply