Tuesday , November 30 2021

Barberong amok, 2 pa patay 6 sugatan

DALAWA ang patay at anim ang sugatan matapos pagsasaksakin ng gunting ng nag-amok na barbero na napatay rin ng kaanak ng isa sa mga biktima nitong Biyernes ng hapon sa Antipolo City.

Kinilala ni Supt. Arthur Masungsong, hepe ng Antipolo police, ang mga namatay na sina Romeo Gutlay, Jr., 36, at Joseph Costa, nasa hustong gulang, kapwa nakatira sa Sitio Sapo, Brgy. Sta. Cruz, ng lungsod.

Sugatan sina Emmanuel de Panio, 23; Dolores Odiaman, 35; Jessie Bernardo, 54; Ericka Ergina, 13; Edwin Ergina, 46; at April Joy Macauile,16, pawang ng Brgy. Sta Cruz,  Antipolo City.

Patay rin ang suspek na nag-amok na si Jonathan Hermentetiza, 28, barbero, ng  270 Sitio Sapo, Brgy. Sta. Cruz ng lungsod, matapos pagtatagain ng sumaklolong si Michael Gutlay, 40, kaanak ng isa sa dalawang namatay na mga biktima.

Sa imbestigasyon ng pulisya, dakong 12:40 p.m. nang mangyari ang insidente sa Sitio Sapo ng nabanggit na barangay.

Napag-alaman na bigla na lamang nawala sa sarili ang suspek na si Hermentiza, lumabas ng barber shop na  armado  ng gunting at inundayan ng saksak ang bawat makasalubong na agad ikinamatay nina Romeo at Joseph at ikinasugat ng anim pang mga kapitbahay.

Mabilis na sumaklolo si Michael at habang hawak ang itak ay hinabol ang suspek at tinadtad ng taga si Hermentetiza hanggang malagutan ng hininga.               (ED MORENO)

About hataw tabloid

Check Also

5 tulak nakalawit
DRUG DEN NABUWAG SA SUBIC

ARESTADO ang limang drug suspects habang nabuwag ang isang hinihinalang drug den ng mga awtoridad …

Driver sugatan sa ambush
KANDIDATONG KONSEHAL, 1 PA TODAS

PATAY sa pamamaril ng mga hindi kilalang suspek ang isang kumakandidatong konsehal at ang kanyang kasama …

300 bahay naabo sa Cebu

NATUPOK ang hindi bababa sa 300 bahay nang sumiklab ang sunog sa Brgy. Mambaling, sa lungsod …

Paslit na anak minolestiya
ng maelyang ama

HINDI na nakapagpigil  ang isang maelyang ama at pati ang sariling anak na 4-anyos ay ‘pinaglaruan.’ Naaresto …

Binata sinaksak ng tiyuhin sa QC

MALUBHANG nasugatan ang isang binata makaraang saksakin ng tiyuhin dahil sa matagal nang alitan na naungkat …

Leave a Reply