MASIGLANG sinalubong kahapon ng madaling araw, ang unang Simbang Gabi na taunang tradisyon ng Simbahang Katolika, siyam na araw bago ang Pasko.
Sa Our Lady of Loreto Parish sa Sampaloc, Maynila, dinagsa ng mga deboto ang pagbubukas ng Misa de Gallo.
Nagtalaga naman ng checkpoint ang pulisya sa mga lugar na malapit sa simbahan.
Sa San Sebastian Recoletos sa Legarda, maagang gumising ang mga dadalo para sa misang nagsimula dakong 5:00 ng madaling araw.
Hindi napigilan ng malakas na pag-ulan ang mga deboto sa Laguna para dumalo sa pagbubukas ng taunang tradisyon.
