Friday , December 3 2021

Wanted: Mario Dela Cruz ( Dead or Alive ) (Part 18)

NANLUMO SI MARIO NANG MAKITA ANG GIBANG TOLDA NG PIKETLAYN

Ngunit bumulaga sa kanya doon ang gibang tolda ng mga ka-manggagawa. Nasa isang tabi ang nagkayupi-yuping malaking aluminyong talyasi na gamit sa pagluluto ng sinaing, nagkalat ang bubog ng basag na mga pinggan at baso, gutay-gutay ang mga plakard na nabahiran ng dugo sa semento, at wala nang isa mang tao sa piketlayn. Ang mga pulyeto na kinapapalooban ng mga hinaing at reklamo ng kanyang mga kasamahan sa trabaho ay parang inihehele-hele ng malakas na bugso ng hangin sa tapat ng gate ng pabrika.

Tigagal, hindi nakababa ng traysikel si Mario.

Sumaisip niya ang ka-manggagawang si Baldo. Malaking lalaki ito, hindi kukulangin sa anim na talampakan ang taas. May mapipintog na mga masel na tila-bato sa tigas. Parang sa kalabaw ang lakas na taglay nito. Ang binubuhat ng dalawa o tatlo-katao sa kanilang pabrika ay mag-isang kinakaya ni Baldo.

Naninirahan si Baldo sa likod ng mataas na pader ng pabrika. Dito siya nagpahatid sa tricycle boy.

Pinatuloy siya ni Baldo sa loob ng tirahang barung-barong.  Naupo sila sa lapag ng sahig. Isang Baldong giyagis ng panlulumo at alipin ng matinding sama ng loob ang nakaharap niya. Laglag ang magkabilang balikat. Luma-latay sa mukha nito sa pagkukuwento ang mapapait na pangyayaring naganap sa piketlayn,  dalawang araw pa lang ang nakararaan.

“Marahas na binuwag ang piketlayn,” nasa tinig ni Baldo ang lungkot.” Dinumog kami ng mga bayarang goons… At nagkagulo na nga!”

(Subaybayan bukas)

Rey Atalia

About hataw tabloid

Check Also

Maja Salvador Rhea Tan Beautederm

Maja nakatagpo ng proteksiyon at pampalakas ng resistensiya

MATABILni John Fontanilla DOUBLE Celebration ang naganap noong Nov. 25, 2021 dahil bukod sa kaarawan ng CEO/President ng …

Krystall Herbal Oil

Talsik ng mantika sa mukha hindi naglintos dahil sa Krystall Herbal Oil

Back to BasicNATURE’S HEALINGni Fely Guy Ong Dear Sis Fely Guy Ong,         Ako po …

Maja Salvador Rhea Tan Beautederm

Rei Tan payag mag-ninang kina Maja at Rambo, sasagutin pa ang reception

FACT SHEETni Reggee Bonoan HINDI itinanggi ni Maja Salvador na may mga napag-uusapan na sila …

Cebu Pacific Air Airbus A330neo Cebpac

Unang Airbus A330neo dumating na Cebu Pacific, ‘greenest airline’ sa Asya

DUMATING na ang kauna-unahaang Airbus A330neo (New Engine Option) ng Cebu Pacific, nitong Linggo, 28 …

Andrea Brillantes Rhea Tan Beautederm

Andrea Brillantes, thankful kay Rhea Tan sa pagiging Reiko and Kenzen Beautéderm Health Boosters endorser

ALAM MO NA!ni Nonie Nicasio LABIS ang kaligayahan ng teen actress na si Andrea Brillantes …

Leave a Reply