Saturday , November 27 2021

Wanted: Mario Dela Cruz ( Dead or Alive ) (Part 13)

SA IBABAW NG TULAY HUMINTO ANG JEEP AT YAYARIIN SI MARIO NG 3 PARAK

Kontra-bida ang dating ni Major Delgado sa mga kabarong gaya ni Kernel Bantog. Maaaring ipagtaas ng kilay ng marami kung paanong hindi ito nahawa sa kabulukan ng mga bulok na kasamahan sa kinabibilangang ahensiya.  Napanatili kasi nitong malinis ang pangalan sa mahaba-habang panahon ng panunungkulan.

Ipinatawag ni Sarge kay Punggok ang dalawa nitong tauhan sa videoke bar sa makalabas lang ng compound ng  himpilan ng pulisya. Malagihay na ang dalawang “pulgas” ni Sarge.

“Palilitawin natin na nagtangkang tumakas,” bahagi ng instruksiyon ni Sarge sa mga bagitong pulis. “Tapos, sasabihin natin sa press na suspek sa serye ng rape-slay ang dinampot natin.”

“Yes, Sir!”

Inilabas si Mario ng tatlo sa seldang kinapipiitan.

“S-sa’n n’yo ‘ko dadalhin?” naitanong niya nang isalya ni Sarge sa pagsakay ng dyip.

“Gabing-gabi na,” ang maagap na sagot ni Sarge na gumitgit kay Mario sa harap na upuan ng sasakyan.  “Oras na para mamahinga ka!”

Pinagitnaan si Mario ni Sarge at ng kasama nitong nasa harap ng manibela. Lalong kinabog ang dibdib niya sa naulinigang impit na hagikgikan ng dalawang bagitong pulis.

Sa ibabaw ng kongretong tulay tumigil ang sasakyan. Mistula nang inapuyan ang puwit ni Mario sa pagkakaupo.  (Itutuloy bukas)

Rey Atalia

About hataw tabloid

Check Also

CINEMA 76

Cinema ‘76 Anonas ligtas at family friendly

SHOWBIZ KONEKni Maricris Valdez Nicasio NAKATUTUWANG unti-unti nang nagbubukas ang mga sinehan. Sa dalawang magkasunod …

CINEMA 76 Shang-Chi and the Legend of the Ten Rings

Cinema ’76 perfect sa movie bonding ng pamilya

FACT SHEETni Reggee Bonoan ANG pelikulang Shang-Chi and the Legend of the Ten Rings ang …

ABS-CBN iQiyi

ABS-CBN at IQIYI sanib-puwersa sa paggawa ng mga orihinal na seryeng pinoy

SHOWBIZ KONEKni Maricris V. Nicasio NAGSANIB-PUWERSA ANG  global streaming service na iQiyi at ABS-CBN sa paggawa ng apat na …

Jackeline Chua Jyotirmoy Saha PopTV

Unang in-transit streaming service sa mga bus, kasado na
POPTV MAGPO-PRODUCE NA NG SARILING SHOWS

SHOWBIZ KONEKni Maricris V. Nicasio NAGSIMULA na noong Linggo ang pinakabagong handog ng all-Pinoy streaming app ng POPTV, ang POPTV …

SM CITY GRAND CENTRAL

The Grand Opening of SM City Grand Central

In the thriving center of Caloocan City, a grand mall has found a new beginning. …

Leave a Reply