Friday , March 29 2024
Michael Yang, Pharmally, DOH, PS-DBM,

‘Taya’ ni Yang sa Pharmally ‘pitik’ sa P42-B pandemic funds ng DOH

AALAMIN ng mga senador kung ang P7-B ipinautang umano ni dating presidential economic adviser Michael Yang sa Pharmally Pharmaceutical Corporation ay galing sa P42-B pondo ng Department of Health (DOH) na ipinasa sa Procurement Service-Department of Budget and Management (PS-DBM).

Inihayag ito ni Sen. Risa Hontiveros sa panayam sa After the Fact sa ANC kagabi.

“Posibleng itunuring ng ilang taga-PS-DM, ng ilang taga-DOH si Michael Yang, mga Pharmally executives parang common tool, parang kitty nila itong bilyon-bilyong piso para padulasin itong ganitong transaction,” ani Hontiveros.

“It maybe possible na ang P7-B ay taken from the P42-B transferred to PS-DBM tapos (i)ni-represent ni Michael Yang na siya ang nagpautang sa Pharmally thru Lincoln Ong para bayaran ang TigerPhil at iba pang suppliers,” dagdag ng Senadora.

Nag-ugat aniya ang naturang rasonableng suspetsa dahil sa paiba-ibang pahayag ng mga opisyal ng PS-DBM, ng Pharmally, ni Yang kung paano natustusan ng kompanya ang P8.7 bilyong medical supplies gayong wala itong sapat na puhunan at hawak na produkto para matugunan ang nakuhang kontrata.

“We will have to establish that but as of this moment, those are reasonable suspicions kasi sobrang flippant sila sa mga rules na dapat sinunod sa mga ganitong transaksiyon,” anang senadora.

Sa simula pa lamang aniya ay nakapagdududa na ang paglipat ng DOH ng P42-B sa PS-DBM ay walang paper trail o anomang dokumento at maging ang ipinautang na P7-B ni Yang sa Pharmally.

“Doon pa lang mula sa DOH papuntang PS-DBM dapat may paper trail pero butas-butas na starting from there dahil walang MOA o iba pang dokumento.

“Kung talagang ang P7-B ay galing sa PS-DBM papunta kay Michael Yang, papunta sa Pharmally, e wala rin paper trail doon so kailangan lang magpatuloy iyong cross questioning ng Blue Ribbon Committee sa iba’t ibang resource persons at witnesses para mabuo namin as clearly as solidly as possible,” pagtitiyak ni Hontiveros.

Umaasa si Hontiveros na hindi aabot sa puntong pipigilan ni Pangulong Duterte ang mga miyembro ng kanyang gabinete na dumalo sa Senate hearing.

Nagbabala siya sa Palasyo na huwag maliitin ang namumuong galit ng mga mamamayan sa mga nabistong malawakang korupsiyon sa panahon ng pandemya.

“Huwag nilang maliitin iyong namumuong, hindi lang pagtataka, pero galit ng mamamayan na sa gitna ng pandemya, recession ay may ganitong graft and corruption na mukha talagang nangyari at mangyayari pa,” sabi niya.

Kaugnay nito, tiniyak ni Senate Blue Ribbon Committee chairman Sen. Richard Gordon na ilalabas niya sa pagdinig bukas, Biyernees, ang lahat ng dokumento ng Pharmally.

“Makinig kayo sa Friday, ilalabas ko lahat ng record ng Pharmally na ‘yan… At hindi fake news, totoo po ‘yan,” ani Gordon sa panayam sa DZMM Teleradyo kahapon.

Tinawag ng senador na protektor ng racketeer si Pangulong Duterte sa patuloy na pagdepensa kay Yang at sa kuwestiyonableng P8.7-B Pharmally contract.

“Hindi n’yo pinoproteksiyonan ang taongbayan. Ang pinoproteksiyonan ninyo, ‘yang mga racketeer na ‘yan (na) ginamit ang pera ng taongayan, Mr. President,” aniya.

“Bakit ‘di n’yo ipagtanggol ang taongbayan? ‘Yun ang ipinagtatanggol n’yo, ‘yung mga taga-Pharmally?

“Habang lumalabas ito, talagang nagpapawis kayo nang malapot sapagkat papalapit nang papalapit sa inyo… Kayo nagsimula niyan. Kayo nakipagkita kay Pharmally. Kayo nag-appoint sa mga taong iyon,” babala ni Gordon. (ROSE NOVENARIO)

About Rose Novenario

Check Also

PICPA Foundation spearheads Green Project

PICPA Foundation spearheads Green Project

VISITORS will soon be seeing a greener Philippine Institute of Certified Public Accountants (PICPA) national …

SM Cares 1 Manila - Parade Shot

SM shows solidarity for Down syndrome community through this year’s Happy Walk

SM Cares, a long time-supporter of the Down Syndrome community, is celebrating 20 years of …

Notoryus na wanted holdaper sa NCR, todas sa enkwentro sa Batangas!

Notoryus na wanted holdaper sa NCR, todas sa enkwentro sa Batangas!

NASAWI ang isang lalaki na tinaguriang kilabot na holdaper at akyat bahay na kabilang sa …

Bernard Kaibigan Palawan

Pamilyang Pinoy protektado sa Palawan ProtekTODO

BATAY sa datos ng Philippine Insurance Commission, nananatiling mababa sa 1.75 porsiyento ang bilang ng …

Las Piñas Mass Wedding Kasalang Bayan

Sa ika-27 anibersaryo ng Las Piñas
102 COUPLES SABAY-SABAY NA IKINASAL

SA PAGDIRIWANG ng Buwan ng Kababaihan at ika-27 anibersaryo ng pagkakatatag bilang lungsod ang Las …

Leave a Reply

Your email address will not be published. Required fields are marked *