Thursday , March 28 2024

Kauna-unahang Pinay nagwagi sa LPGA Tour

ni Tracy Cabrera
 
SAN FRANCISCO, USA — Nagbalik mula sa naunang dalawang double bogey si Yuka Saso saka inungusan si Nasa Hataoka ng Japan sa ikatlong hole sa sudden death playoff ng dalawang premyadong golfer para magwagi sa ika-76 United States Women’s Open golf championship na isinagawa sa Olympic Club sa San Francisco nitong Linggo, 6 Hunyo.
 
Hinirang ang 19-anyos na si Saso bilang kauna-unahang Filipino player na nanalo sa nasabing torneo para kilalanin bilang pinakabagong banta at puwersa sa larangan ng golf sa pagkapanalo niya ng una niyang major title.
 
“I’d like to thank my family, I wouldn’t be here without them,” lumuluhang bulalas ng bagong kampeon.
“To all my sponsors and to all my friends and fans back in the Philippines and Japan, I’m so thankful,” aniya.
 
Sadyang nag-focus si Saso para sa kanyang una at sadyang napangiti sa pagpalo ng 10-foot birdie putt para sa kanyang pagwawagi matapos malampasan ang naunang hirap sa ilalim ng init ng araw sa pamosong Lake Course.
 
“I was actually upset,” aniya sa pagtukoy sa hindi inaasahang dalawang double bogeys sa unang tatlong hole ng paglalaro, na para bang naghudyat ng nakaambang pagkatalo.
“My caddie talked to me and said there are still many holes to go and to keep doing what I’ve been doing the past few days,” sabi ni Saso. “And to trust the process.”
 
Suportado si Saso buong linggo ng kanyang mga fans mula sa Daly City, na tahanan ng malaking komunidad ng mga Pinoy.
 
Sa panayam matapos ang kanyang panalo, sinabi ng Pinay, sa simula pa lang ay ginawa niyang inspirasyon si four-time men’s major champion Rory McIlroy at ang swing ng nasabing kampeon ang kanyang tinularan.
 
Umani siya ng ‘encouragement’ mula sa Northern Irishman sa isang post sa social media bago magsimula ang torneo.
 
“Rory said, ‘Get that trophy,’ and I did. So thank you, Rory,” nakangiting pagtatapos ni Saso.
 

About Tracy Cabrera

Check Also

Buhain Richard Bachmann

Buhain, umayuda sa HB Bills para sa PH Sports

Pinangunahan ni Batangas 1st District Congressman Eric Buhain ang pagtalakay at pagsuri sa mga isinusulong …

Pinoy wreslers Olympics

Pinoy wreslers, kayang umabot sa Olympics

KUMPIYANSA si Wrestling of the Philippines (WAP) president Alvin Aguilar na ang mga repormang ipinatupad …

Kheith Ryhnne Cruz TOPS Olympic

TOPS Olympic slots, target ni table tennis star Kheith Rhynne Cruz

MABIGAT ang hamon na kakaharapin ni Pinay table tennis phenom Kheith Ryhnne Cruz para sa …

30 bolang ginamit sa FIBA Qualifiers, ipinagkaloob sa Pasay LGU

30 bolang ginamit sa FIBA Qualifiers, ipinagkaloob sa Pasay LGU

NAG-DONATE kahapon, 20 Marso 2024, ng 30 bola ang Samahang Basketbolista ng Pilipinas (SBP) sa …

Reli de Leon Antonella Berthe Racasa

High Roller bida sa Triple Crown Stake

IBINABA lamang bilang fifth choice, ninakaw ng High Roller ni Lamberto “Jun” Almeda, Jr., ang …

Leave a Reply

Your email address will not be published. Required fields are marked *