Monday , October 18 2021
AKSYON AGAD ni Almar Danguilan
AKSYON AGAD ni Almar Danguilan

Quezon Gov. Suarez, sabit ba sa nawawalang P102-M pondo ng lalawigan?

AKSYON AGAD
ni Almar Danguilan

MALVERSATION of public funds, ito ang napaulat na posibleng kaharaping kaso ni Quezon Governor Danilo “Danny” Suarez.

Bakit naman? Mabigat na akusasyon ito ha.

Napaulat, base sa report ng Commission on Audit (COA), may nawawalang P102 milyong pondo ng lalawigan. Wow! Ang laking halaga. Sinasabing ang pondo raw ay ginamit sana para sugpuin ang pagtaas ng CoVid-19 sa lalawigan ng Quezon.

Gano’n ba? Pero hindi ako ang may sabi nito, kung hindi base sa napaulat ha.

Sa tala ng Department of Health (DOH), ang lalawigan ang nananatiling may pinakamataas na bilang ng biktima ng pandemya at pinakamababang vaccination rate sa buong CALABARZON 4-A.

Sa annual report ng COA, mayroong malaking P102,131,859.46 ang sinasabing nawawala mula sa kaban ng bayan sa lalawigan.

Totoo ba ito Gov? Malaking halaga ito ha.

Batay sa pagsusuri ng COA, malaki  ang diperensiya sa kasalukuyang cash-in-bank (CIB) at asset accounts ng probinsiya.

Sa ulat pa rin ng COA, ang nawawalang pondo ay mga koleksiyong hindi nai-remit ng collecting officers sa Tanggapan ng Tesorero ng probinsiya mula sa 14 provincial hospitals at ilang milyong pisong unliquidated cash advances sa tanggapan ng gobernador simula 2019.

Inabisohan na ng COA si Governor Suarez na bigyan ng direktiba ang tesorero para sabihan ang collection officers na i-remit na sa probinsiya ang mga nasabing pondo, sapagkat umaabot sa 79 araw ang delays sa remittance.

Sinasabi pa sa ulat, sa kabila ng pag-abiso sa ama ng lalawigan ay hindi pa rin nagsumite ang provincial government ng disbursement reports para sa mga ginastos na salapi ng probinsiya na isang requirement ng COA memorandum circular 2012-001.

Ayon sa batas, nararapat magsumite ang isang opisyal ng gobyerno ng mga dokumentong magpapatunay kung saan at ano ang pinaggamitan ng pera ng taongbayan. Maaaring sampahan ng kaso ng pamahalaan ang isang local official ng pandarambong o embezzlement ng pondo bunga ng kawalan ng nasabing disbursement reports.

Posibleng makulong ng 40 taon at mawalan ng karapatang makatakbo sa anomang posisyon sa pamahalaan ang isang akusado sa malversation of public funds o ang isang opisyal sa ilalim ng Articles 217 at 218 ng Revised Penal Code of the Philippines.

Maaari rin sampahan ng paglabag sa Anti-Graft and Corrupt Practices Act at sa Code of Ethics (R.A. 6713) ng mga pampublikong opisyal ang isang local chief executive kung hindi niya susundin ang COA rules. 

Ito ay maaaring ikatalsik niya sa kanyang puwesto at diskalipikasyon na humawak ng kahit na anong posisyon sa pamahalaan.

Naku po, napakabigat pala ng kaparusahan kapag napatunayan na mandarambong ang isang opisyal ng pamahalaan. Kunsabagay, dapat lang dahil pera ng bayan ang pinag-uusapan dito.

Gov. Suarez, ano po ang masasabi ninyo sa ulat ng COA, napakalaking halaga ang sinasabing nawawalang pondo… totoo ba ito? Siyempre, bilang ama ng lalawigan ay malaking paliwanagan ang gagawin ninyo dito — P102 milyon.

Hindi ko naman sinasabing may kinalaman kayo sa nawawalang pondo (ayon sa COA) pero bilang pinuno ng lalawigan, malaking pananagutan ninyo ito, kaya kailangan dito ay malinaw na palinawagan o patunayan na taliwas ang akusasyon. ‘Di ba Gov?

About Almar Danguilan

Check Also

Bulabugin ni Jerry Yap

Sa mga driver: Kung may disiplina, walang multa sa NCAP

BULABUGINni Jerry Yap INILUNSAD kamakailan ng butihing Quezon City Mayor Joy Belmonte ang “No Contact …

PANGIL ni Tracy Cabrera

Sa huli, si Inday pa rin…

PANGILni Tracy Cabrera A wise man can learn more from a foolish question than a …

Bulabugin ni Jerry Yap

Gibaan sa socmed rumatsada na publiko mag-ingat sa fake news

BULABUGINni Jerry Yap MGA MAGULANG panahon ngayon para bantayan o turuang maging matalas ang inyong …

Balaraw ni Ba Ipe

Balik si Gibo

BALARAWni Ba Ipe TAOS-PUSONG pagbati kay Maria Ressa a pagwawagi ng Nobel Peace Prize. Sumasaludo …

FIRING LINE ni Robert B. Roque, Jr.

Handa na sa gera ang Taiwan, tayo ba?

FIRING LINEni Robert B. Roque, Jr. NAKAAALIW ang mga palitan ng kuro-kuro sa social media …

Leave a Reply