Sunday , October 17 2021

Presyo ng 24-hr RT-PCR test mas pinababa ng Cebu Pacific

MAS abot kaya na ang proseso ng Test Before Boarding (TBB) ng Cebu Pacific sa pagpapababa ng presyo ng 24-oras na RT-PCR test mula P3,200 ay naging P2,500 ito.
 
Ang presyong ito ay ekslusibo para sa mga pasahero ng Cebu Pacific at garantisadong
pinakaabot-kaya.
 
May mga pasilidad sa mga lungsod ng Mandaluyong, Davao, at Bacolod ang Safeguard DNA Diagnostics Inc. (SDDI), partner ng Cebu Pacific sa pagsasagawa ng RT-PCR testing.
 
Kabilang pa rin ang negatibong RT-PCR result sa mga requirement ng mga lokal na pamahalaan sa pagpasok sa ilang mga destinasyon kung ang pasahero ay hindi pa bakunado o hindi pa kompleto ang dosage ng CoVid-19 vaccine.
 
“We are committed to keep not only our flights as affordable as possible, but even our services across the board. As some local and international destinations may still require negative RT-PCR test results, we made sure we are able to provide the cheapest rates in the market which may conveniently be availed by every Juan through our website,” pahayag ni Candice Iyog, CEB vice president for Marketing and Customer Experience.
 
Maaaring mag-book ng appointment para sa RT-PCR testing ang mga pasahero ng Cebu Pacific at Cebgo sa http://bit.ly/CEBTestOptions.
 
Mula rito, maaari nang puntahan ang website ng laboratory upang ipanalisa ang kanilang schedule online.
 
Bukod sa Safeguard DNA Diagnostics Inc. (SDDI), may mga special rated din para sa mga pasahero ng Cebu Pacific ang Health Metrics, Inc. (HMI) at Philippine Airport Diagnostic Laboratory (PADLAB), parehong accredited laboratory ng Cebu Pacific.
 
Sa Health Metrics, Inc. (HMI), nagkakahalaga ng P2,500 ang RT-PCR test na naglalabas ng resulta sa loob ng 48 oras, habang P3,200 ang halaga ng test na makapaglalabas ng resulta sa loob ng 24 oras.
 
Sa PADLAB, nagkakahalaga ang RT-PCR test ng P2,899 na makapaglalabas ng resulta sa loob ng 24 oras, at P2,699 sa paglalabas ng resulta sa loob ng 48 oras.
 
Bukod dito, ekslusibong nagkakahalaga ng P675 ang antigen test para sa mga pasahero ng Cebu Pacific sa kanilang TBB testing facility sa NAIA Terminal 3.
 
Isa lamang ang testing sa tatlong pangunahing hakbang ng Cebu Pacific sa mahigpit nilang ipinatutupad upang magkaroon ng kompiyansa ang mga pasahero na muling bumiyahe.
 
Kabilang sa mga hakbang na ito ang ‘safety and sanitation’ at ‘track and trace.’
 
Patuloy na nagpapatupad ang Cebu Pacific ng multi-layered approach to safety at nagawaran ng 7/7 stars ng airlineratings.com para sa kanilang COVID-19 compliance.
 
Lagi rin pinaalalahanan ang mga pasahero na magparehistro sa Traze App ng Department of Transportation para sa mas mabisang proseso ng contact tracing.
 
Pinapayohan din ang mga pasahero na laging tingnan ang mga travel requirement ng mga LGU ng kanilang mga destinasyon.
 
Para sa listahan ng travel requirements, testing options, flexibility options at frequently asked questions, maaaring magpunta ang mga pasahero sa www.cebupacificair.com. (GMG)

About G. M. Galuno

Check Also

Bayaning Tsuper, BTS, Cebu City PWDs

Handog ng Bayaning Tsuper (BTS): Libreng service vehicle para sa Cebu City PWDs

ILANG araw matapos maghain ng kanilang certificate of nomination and acceptance (CONA) para sa eleksiyon …

SM Supermalls, World Retail Awards, #AweSMLearning Phygital Campaign

SM Supermalls wins in the World Retail Awards via #AweSMLearning Phygital Campaign

FOR two consecutive years, SM Supermalls was named one of the winners in the prestigious …

Cebu Pacific plane CebPac

531 Pinoys inihatid ng CebPac sakay ng Bayanihan flights

INILIPAD ng Cebu Pacific nitong nakaraang linggo ang 531 Filipino mula sa Dubai sakay ng …

Krystall Herbal Oil, Foot Cramps

Pulikat ng OFW sa Japan pinagaan ng Krystall Herbal Oil

Dear Sis Fely Guy Ong, Isa po akong overseas Filipino worker (OFW) na ngayon ay …

Cutting of ribbon for Imus, Cavite Cherry Prepaid Concept Store

Cherry Prepaid opens 4th Concept Store in Davao (Cherry Prepaid offers income-generating opportunities for partners)

Davao City, Philippines — There’s no stopping Cherry Prepaid from doing more for its stakeholders. …

Leave a Reply