Thursday , March 28 2024

Pinakamurang RT-PCR, antigen test handog ng Cebu Pacific sa mga biyahero

INIHAHANDOG ng Cebu Pacific para sa kanilang Test Before Boarding (TBB) ang pinakamurang RT-PCR test para sa mga pasahero nito sa halagang P2,500 kompara sa ibang lokal na airlines.
 
Iniaalok ng Cebu Pacific ang RT-PCR test sa pamamagitan ng kanilang dalawang accredited partners – ang Health Metrics, Inc. (HMI) at Safeguard DNA Diagnostics Inc. (SDDI).
 
Ang espesyal na presyong ito ay para lamang sa mga pasahero ng Cebu Pacific at Cebgo.
 
Dahil may mga local at international destination pa rin na nangangailangan ng negatibong resulta ng RT-PCR test bago makapasok, tiniyak ng Cebu Pacific na abot-kamay at abot-kaya ito ng kanilang mga pasahero dahil sa mas pinamurang presyo.
 
Gayondin, garantisadong mailalabas ang resulta ng test sa loob ng 48 oras. Maaari rin makuha ang resulta sa loob ng 24 oras sa halagang P3,200 para sa dalawang laboratoryo.
 
Ang HMI ay may klinika sa Pasay at Makati; habang ang SDDI ay may pasillidad sa Mandaluyong, Bacolod, at Davao.
 
“We continue to do what we can to rebuild the public’s trust and confidence in air travel. As we remain committed to providing affordable flights for everyJuan, we also made it a point to see where else we can reduce costs for our passengers – we are happy to work with our laboratory partners to make available the cheapest RT-PCR swab test rates that may conveniently be booked on our website,” pahayag ni Candice Iyog, CEB vice president for Marketing and Customer Experience.
 
Samantala, iniaalok din ng Philippine Airport Diagnostic Laboratory (PADL) ang parehong RT-PCR at antigen test ekslusibo para sa mga pasahero ng Cebu Pacific sa halagang P3,300 at P700.
 
Bukas araw-araw ang TBB testing facility sa NAIA Terminal 3 para sa mga walk-in passenger na maaaring magbayad nang direkta sa PADL.
 
Ang mga pasaherong naka-book sa Cebu Pacific at Cebgo ay maaaring pumili at mag-book ng appointment sa http://bit.ly/CEBTestOptions saka sila dadalhin sa website ng mga laboratory upang tiyakin ang kanilang mga schedule online.
 
Isa ang testing sa tatlong pangunahing hakbang na mahigpit na ipinatutupad ng Cebu Pacific upang muling magtiwala ang mga pasahero sa pagbibiyahe.
 
Kabilang sa mga hakbang na ito ang ‘safety and sanitation,’ pati na ang ‘track and trace.’ Patuloy na ipinatutupad ng Cebu Pacific ang ‘multi-layered approach to safety’ na nakakuha ng gradong 7/7 stars sa airlineratings.com para sa kanilang COVID-19 compliance.
 
Laging pinaaalalahanan ang mga pasaherong magrehistro sa Traze App ng Department of Transportation para sa mas epektibong proseso ng contact tracing.
 
Pinapayohan ang mga pasahero na palagiang i-check ang mga update at panuntunan ng mga LGU ng kanilang destinasyon.
 
Para sa listahan ng travel requirements, testing options, flexibility options at frequently asked questions, maaaring bumisita sa www.cebupacificair.com para sa impormasyon. (GMG)
 
 
 
 

About G. M. Galuno

Check Also

Bernard Kaibigan Palawan

Pamilyang Pinoy protektado sa Palawan ProtekTODO

BATAY sa datos ng Philippine Insurance Commission, nananatiling mababa sa 1.75 porsiyento ang bilang ng …

Krystall Herbal Oil

Peleges sa noo nabanat ng Krystal Herbal Oil

Back to BasicNATURE’S HEALINGni Fely Guy Ong Dear Sis Fely Guy Ong,          Magandang araw …

Moira dela Torre Jethro Cerezo

Moira marami ang ginulat: sexy at  parang tin-edyer

SHOWBIZ KONEKni Maricris Valdez Nicasio MARAMI ang nanibago at ginulat ni Moira dela Torre nang ipakikala ito …

KWF PNU UP DLSU

Lagdaan ng Kasunduan ng KWF, PNU-LSC, UP-Lingg, at DLSU-Filipino para sa idaraos na Pandaigdigang Kumperensiya sa Nanganganib na Wika

Idinaos ang lagdaan ng Memorandum ng Kasunduan ng Komisyon sa Wikang Filipino (KWF), Language Study …

80 NorMin Regional RDI Committee members meets for 2024 plans, initiative

80 NorMin Regional RDI Committee members meets for 2024 plans, initiative

Eighty committee members of the Regional Research, Development, and Innovation Committee (RRDIC) of Northern Mindanao …

Leave a Reply

Your email address will not be published. Required fields are marked *