Friday , March 29 2024
Maine Mendoza #MaineGoals BuKo Channel
Maine Mendoza #MaineGoals BuKo Channel

Passion project ni Maine tinupad ng Buko Channel

FACT SHEET
ni Reggee Bonoan

BUHAY KOMEDYA pala ang ibig sabihin ng BuKo na bagong local comedy channel ng TV5 na mapapanood sa loob ng 24 oras ang mga programang sinubaybayan noon at ngayon.

Nitong Agosto 2 ay inilunsad ang BuKo Channel sa TV5 sa pagsasanib puwersa ng Cignal TV Inc, ang premier direct-to-home satellite provider at Pay TV leader sa bansa, at ang powerhouse TV and film production company na APT Entertainment Inc..

Ang mga mapapanood ay ang mga bagong programa ng BuKo Originals, na magtatampok ng mga nakaaaliw na mga palabas. Kabilang dito ang #MaineGoals, isang lifestyle-oriented hosted by Maine Mendoza na isa-isa niyang tutuparin ang kanyang “goals” galing sa kanyang checklist. Tampok din sa BuKo Originals ang Kusina ni Mamang, isang cooking show hosted by Pokwang, na tutuklas ng iba’t ibang tradisyonal na lutong Pinoy. 

Pokwang Kusina ni Mamang
Pokwang Kusina ni Mamang

Ayon sa Cignal TV Inc. President at CEO na si Robert P. Galang, “Cignal TV Inc., we take pride in collaborating with top players in the entertainment industry to explore new ways of providing quality content for our viewers. We are honored to partner with APT Entertainment Inc. in the creation of BuKo and in serving the refreshing and feel-good comedy that we have lined up for the coming months.”

Say naman ni Direk Michael Tuviera, APT CEO & President, “Conceptualizing the programs for BuKo Originals was never an easy task, but it was well worth it especially with the talents that we’re working with and all the amazing ideas that are brought to the table. We look forward to filling BuKo with non-stop laughter and feel-good entertainment for the whole family.”

Opisyal nang bukas ang BuKo channel sa Cignal TV Channel 2 at SatLite Channel 2, at sa Cignal Play app, na downloadable sa App Store at Google Play. Para sa mga katanungan sa Cignal postpaid at prepaid na subscription, bisitahin ang http://cignal.tv. Magagamit rin ang Cignal Plan para sa Prepaid 100 at Postpaid 250, habang ang SatLite Plan naman ay nagsisimula sa P49 load.

Samantala, kasama pala si Maine sa nakipag-brainstorming para mag- suggest ng mga idea na puwedeng i-share at nagustuhan ito ni direk Michael, Isa na nga ang #MaineGoals sa BuKo Channel.

“Maraming ideas si Maine eh, very creative. So ‘yun ang gusto naming bigyan ng priority. In terms of sitcom, she has a current sitcom now, so parang hindi naman namin ‘yun ipa-priority kay Maine.

 “Marami po kaming naka-line up for Maine at pina-prioritize namin ‘yung mga medyo passion projects niya. ‘Yung medyo gusto niya, pero hindi siya nabigyan ng chance to fulfill.

“But there are so many other concepts, genres na puwede niyang gawin at gusto niyang gawin. At sobra siyang excited.”

Inaming si Maine ang unang artistang nakausap nila para sa BuKo at nasabi nga ito ng dalaga sa virtual mediacon nitong Lunes na ang tagal na nila itong naplano kaya natuwa siya na sa wakas ay tuloy na tuloy na.

Hirit pa ni direk Michael, “Sa dami ng opportunities and other genres that she can do, excited siya to have a new home in BuKo for those kind of shows.”

At habang ginaganap ang virtual mediacon ay kasalukuyang nasa lock-in taping ang TV host/actress sabay pakita ng dagat na nasa tabi ng hotel niya at nabanggit na abangan ang pakikipag-interact niya sa mga dolphin.

About Reggee Bonoan

Check Also

Moira dela Torre

Moira inaming naging bulimic sa loob ng 2 taon

RATED Rni Rommel Gonzales MAY mensahe si Moira dela Torre para sa mga taong kasalukuyang nagdurusa dahil …

Mikee Quintos Paul Salas

Paul mag-ilaw kayang muli kasama si Mikee sa Good Friday procession?  

I-FLEXni Jun Nardo MADALAS naming nakikita at nakaka-chikahan si Mikee Quintos tuwing Biyernes Santo. Eh kahit nakatira …

DingDong Dantes Marian Rivera Zia Sixto

Marian excited sa biyahe ng kanilang pamilya 

I-FLEXni Jun Nardo KOMPLETO na ang pamilya Dantes (Dong, Marian, Zia, at Sixto) na biyahe nila sa ibang bansa …

blind item

Magsyotang lesbiyanang sexy model at GF wasak planong utuin ang DOM

ni Ed de Leon NATAUHAN ang sexy female model na akala ay totoong baliw na baliw sa …

Tom Rodriguez Carla Abellana

Carla wa ker umibig mang muli si Tom

HATAWANni Ed de Leon AYAW daw magbigay ng ano mang reaksiyon si Carla Abellana sa sinasabi ng …

Leave a Reply

Your email address will not be published. Required fields are marked *